ഹദീസ്: മുസ്‌ലിമിനെ ചീത്ത പറയൽ (അല്ലാഹുവിനോടുള്ള) ധിക്കാരവും; മുസ്‌ലിമിനോട് യുദ്ധം ചെയ്യൽ കുഫ്റും ആകുന്നു.''
عَنْ عَبْدِ اللَّهِ بنِ مَسْعُودٍ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«سِبَابُ المُسْلِمِ فُسُوقٌ، وَقِتَالُهُ كُفْرٌ».
[صحيح] - [متفق عليه] - [صحيح البخاري: 48]
المزيــد ...
അബ്ദുല്ലാഹി ബ്നു മസ്ഊദ് -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു:
"മുസ്‌ലിമിനെ ചീത്ത പറയൽ (അല്ലാഹുവിനോടുള്ള) ധിക്കാരവും; മുസ്‌ലിമിനോട് യുദ്ധം ചെയ്യൽ കുഫ്റും ആകുന്നു.''
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح البخاري - 48]
ഒരു മുസ്‌ലിമായ വ്യക്തി തൻ്റെ മുസ്‌ലിം സഹോദരനെ ചീത്ത പറയുകയോ ആക്ഷേപിക്കുകയോ ചെയ്യുന്നത് നബി -ﷺ- ഈ ഹദീഥിൽ വിലക്കുന്നു. ആരെങ്കിലും അപ്രകാരം ചെയ്യുന്നുവെങ്കിൽ, അല്ലാഹുവിനെയും അവൻ്റെ റസൂലിനെയും അനുസരിക്കാതിരിക്കുക എന്ന ധിക്കാരമാണ് അവൻ്റെ ഭാഗത്ത് നിന്ന് സംഭവിക്കുന്നത് എന്നും അവിടുന്ന് അറിയിക്കുന്നു. തൻ്റെ സഹോദരനായ മുസ്‌ലിമിനോട് പോരടിക്കുക എന്നതാകട്ടെ, കുഫ്റൻ പ്രവർത്തനങ്ങളിൽ പെട്ടതാണ് എന്നും അവിടുന്ന് അറിയിക്കുന്നു. (ഇസ്‌ലാമിൽ നിന്ന് പുറത്തു പോകാത്ത വിധത്തിലുള്ള) ചെറിയ കുഫ്റിലാണ് ഈ പ്രവൃത്തി എണ്ണപ്പെടുക.
ഹദീഥിൻ്റെ പാഠങ്ങളിൽ നിന്ന്
- മുസ്ലിമിൻ്റെ ജീവനും അഭിമാനവും കാത്തുസൂക്ഷിക്കുക എന്നത് നിർബന്ധമാണ്.
- ഒരു മുസ്‌ലിമായ മനുഷ്യനെ അന്യായമായി ചീത്ത വിളിക്കുക എന്നതിൻ്റെ പര്യവസാനം ഏറെ ഗുരുതരമാണ്. ഈ പ്രവൃത്തി ചെയ്യുന്നവൻ അധർമ്മിയും ധിക്കാരിയുമായാണ് എണ്ണപ്പെടുക.
- മുസ്‌ലിമിനെ ചീത്ത പറയുക എന്നതും, അവനെ വധിക്കുക എന്നതും ഈമാനിനെ ദുർബലപ്പെടുത്തുന്നതും വിശ്വാസത്തിൽ കുറവുണ്ടാക്കുന്നതുമായ കാര്യമാണ്.
- ചില തിന്മകൾ -അവ ഇസ്‌ലാമിൽ നിന്ന് പുറത്തു പോകാൻ കാരണമാകുന്ന വലിയ കുഫ്റിൽ ഉൾപ്പെടുന്നതല്ലെങ്കിലും- ഇസ്‌ലാമിക പ്രമാണങ്ങളിൽ അവ കുഫ്ർ എന്ന് വിശേഷിപ്പിക്കപ്പെടാറുണ്ട്.
- ഈ ഹദീഥിൽ കുഫ്ർ എന്ന് വിശേഷിപ്പിക്കപ്പെട്ട പ്രവൃത്തി ഇസ്‌ലാമിൽ നിന്ന് പുറത്തു പോകുന്ന വിധത്തിലുള്ള വലിയ കുഫ്റല്ല എന്നതിൽ അഹ്‌ലുസ്സുന്നത്തിൻ്റെ പണ്ഡിതന്മാരെല്ലാം ഏകോപിച്ചിരിക്കുന്നു. മുസ്‌ലിംകളിൽ പെട്ട ചിലർ പരസ്പരം യുദ്ധം ചെയ്യുകയും ചേരിതിരിഞ്ഞ് പോരടിക്കുകയും ചെയ്യുന്ന അവസ്ഥയിലും അവർ വിശ്വാസികളും മുഅ്മിനീങ്ങളുമാണെന്ന് വിശുദ്ധ ഖുർആനിൽ തന്നെ വിശേഷിപ്പിക്കപ്പെട്ടിട്ടുണ്ട്. അല്ലാഹു പറയുന്നു:"മുഅ്മിനുകളിൽ പെട്ട ഒരു സംഘം മറ്റൊരു സംഘത്തോട്
- പരസ്പരം പോരടിക്കുകയാണെങ്കിൽ നിങ്ങൾ അവർക്കിടയിൽ രഞ്ജിപ്പുണ്ടാക്കുക." ശേഷം അല്ലാഹു പറഞ്ഞു: "മുഅ്മിനീങ്ങൾ പരസ്പര സഹോദരങ്ങളാകുന്നു."
വിഭാഗങ്ങൾ
കൂടുതൽ
- ഹദീസ്: വൻ പാപങ്ങളിൽ ഏറ്റവും വലുത് ഏതാണെന്ന് ഞാൻ നിങ്ങൾക്ക് അറിയിച്ചു തരട്ടെയോ?
- ഹദീസ്: ഏഴു നാശകരങ്ങളായ പാപങ്ങളെ നിങ്ങൾ ഉപേക്ഷിക്കുക! അവർ - സ്വഹാബികൾ - ചോദിച്ചു: "അല്ലാഹുവിൻ്റെ റസൂലേ! ഏതെല്ലാമാണ് അവ?!" നബി -ﷺ- പറഞ്ഞു: "അല്ലാഹുവിൽ പങ്കുചേർക്കൽ (ശിർക്ക്), മാരണം ചെയ്യൽ (സിഹ്ർ), അല്ലാഹു ആദരണീയമാക്കിയ മനുഷ്യാത്മാവിനെ അന്യായമായി വധിക്കൽ, പലിശ ഭക്ഷിക്കൽ, അനാഥൻ്റെ സ്വത്ത് ഭക്ഷിക്കൽ, യുദ്ധത്തിൽ നിന്ന് പിന്തിരിഞ്ഞോടൽ, പരിശുദ്ധകളും (മ്ലേഛവൃത്തികൾ) ചിന്തിക്കാത്തവരുമായ വിശ്വാസിനികളെപ്പറ്റി അപവാദം പ്രചരിപ്പിക്കൽ; (എന്നിവയാണവ)."
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.
- ഹദീസ്: നിങ്ങൾ ഊഹത്തെ സൂക്ഷിക്കുക. തീർച്ചയായും സംസാരങ്ങളിൽ ഏറ്റവും വലിയ കളവാകുന്നു ഊഹം.
- ഹദീസ്: മരണപ്പെട്ടവരെ നിങ്ങൾ മോശം പറയരുത്. തങ്ങൾ ചെയ്തു വെച്ചതിലേക്ക് അവർ എത്തിച്ചേർന്നിരിക്കുന്നു.
- ഹദീസ്: തൻ്റെ സഹോദരനെ മൂന്നിലധികം ദിവസത്തേക്ക് അകറ്റിനിർത്തൽ ഒരു മുസ്ലിമിന് അനുവദനീയമല്ല. രണ്ടു പേരും കണ്ടുമുട്ടുമ്പോൾ ഇവൻ ഇങ്ങോട്ടും, അവൻ അങ്ങോട്ടുമെന്ന രൂപത്തിൽ തിരിഞ്ഞു കളയുക (എന്നത് പാടില്ല). അവരിൽ ഏറ്റവും നല്ലവൻ ആദ്യം സലാം പറഞ്ഞു കൊണ്ട് തുടങ്ങുന്നവനാണ്.