Hadiis: Lɩslaam tʋʋr yaa dĩin yiibu la a zab ne-a yaa kɩfẽndo

عَنْ عَبْدِ اللَّهِ بنِ مَسْعُودٍ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«سِبَابُ المُسْلِمِ فُسُوقٌ، وَقِتَالُهُ كُفْرٌ».
[صحيح] - [متفق عليه] - [صحيح البخاري: 48]

Yi a ʿAbdʋllaah ɭbn Masʿʋʋd nengẽ (Wẽnd yard be a yĩnga) tɩ Nabiyaamã (Wẽnd pʋʋsg la A tɩlgr be a yĩnga) a yeelame:
«Lɩslaam tʋʋr yaa dĩin yiibu la a zab ne-a yaa kɩfẽndo».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 48]

bilgrã

Nabiyaamã (Wẽnd pʋʋsg la A tɩlgr be a yĩngɑ) gɩdgame tɩ lɩslaam wa tʋg n tʋ a ma-bi taaga, la ad woto yaa faasɩkẽmdo, la faasɩkẽmd me yaa yiib Wẽnd tũudum pʋga la A Tẽn-tʋʋmã tũudum pʋgã (Wẽnd pʋʋsg la A tɩlgr be a yĩngɑ). La lɩslaam zab ne a ma-bi-taaga, a bee kɩfẽndã tʋʋm pʋgẽ, la a yaa kɩfẽnd sẽn yaa kɩfẽnd bila.

Sẽn be Hɑdiisã yõod-rãmbẽ

1. Wilgdame tɩ yaa tɩlae tɩ b waoog lɩslaam burkĩndã la a zɩɩmã.
2. Lɩslaam tʋʋsg tɩ ka tũ ne hakε a yellã zɩslem sẽn tõe n ta zĩig ninga, rẽnd ned ning sẽn tʋʋda tɩ ka tũ ne hakε wã a yaa dĩin yita.
3. Lɩslaam tʋʋsg la a zabr valemsda sɩd-kũuni la a boogd-a.
4. Tʋʋm sãnda b boondame tɩ kɩfẽndo; baa tɩ b ka ta kɩfẽnd bedr ning sẽn yiisd lɩslaamdã pʋgẽ wã.
5. B sẽn rat ne kɩfẽndã kaanẽ wã, yaa kɩfẽnd bil ning sẽn ka yiisd dĩinã pʋgẽ wã, Sunnah neb fãa zemsa taab a zugu; bala Wẽnde (A Naam yɩ wagell n zẽke) tablga sɩd-kũunã ma-biirã n kõ sɩd-kõtbã, b zabrã la b yõs-taabã wakato, t'a yeele (A Naam zẽk yã): La sull a yiib sẽn yi Muumin-rãmbẽ wã sã n wa zabd taaba, bɩ y maneg b yiibã sʋka) n tʋg n tãag a koεεg sẽn yeele (A Naam zẽk yã): (Ad Muumin-rãmbã yaa ma-biisi).