हदीस: तिमीहरू हावालाई गाली नदेऊ। यदि तिमीले मन नपर्ने कुरा देख्यौ भने यसरी भन: हे अल्लाह, हामी यस हावाको भलाइ, यसमा भएको भलाइ, र जसको लागि यसलाई आदेश दिइएको छ त्यसको भलाइ माग्छौं। र र हामी यस हावाको हानी, यसमा भएको हानी, र जसको लागि यसलाई आदेश दिइएको छ त्यसको हानीबाट तिम्रो शरण माग्छौं।

عَنْ أُبَيِّ بْنِ كَعْبٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«لاَ تَسُبُّوا الرِّيحَ، فَإِذَا رَأَيْتُمْ مَا تَكْرَهُونَ فَقُولُوا: اللَّهُمَّ إِنَّا نَسْأَلُكَ مِنْ خَيْرِ هَذِهِ الرِّيحِ وَخَيْرِ مَا فِيهَا وَخَيْرِ مَا أُمِرَتْ بِهِ، وَنَعُوذُ بِكَ مِنْ شَرِّ هَذِهِ الرِّيحِ وَشَرِّ مَا فِيهَا وَشَرِّ مَا أُمِرَتْ بِهِ».
[صحيح] - [رواه الترمذي] - [سنن الترمذي: 2252]

यस अनुवादलाई थप समीक्षा र जाँचको आवश्यकता छ.

उबै बिन काअ्ब (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नु भयो :
"तिमीहरू हावालाई गाली नदेऊ। यदि तिमीले मन नपर्ने कुरा देख्यौ भने यसरी भन: हे अल्लाह, हामी यस हावाको भलाइ, यसमा भएको भलाइ, र जसको लागि यसलाई आदेश दिइएको छ त्यसको भलाइ माग्छौं। र र हामी यस हावाको हानी, यसमा भएको हानी, र जसको लागि यसलाई आदेश दिइएको छ त्यसको हानीबाट तिम्रो शरण माग्छौं।"
[सही] - [तिर्मीजीले वर्णन गरेका छन्] - [सुनन् तिर्मिजी - 2252]

व्याख्या

नबी (सल्लल्लाहु अलैहि वसल्लम) ले हामीलाई हावालाई गाली गर्न वा सराप्नु निषेध गर्नुभएको छ। किनभने हावा आफ्नो सृष्टिकर्ताको आदेशमा चल्छ। कहिलेकाहीं यो दयाको रूपमा आउँछ र कहिलेकाहीं सजायको रूपमा। यसलाई गाली गर्नु भनेको अल्लाहलाई गाली गर्नु हो र उहाँको निर्णयप्रति असन्तोष देखाउनु हो। त्यसपछि नबी (सल्लल्लाहु अलैहि वसल्लम) ले हावाको सृष्टिकर्ता, अर्थात् अल्लाहतर्फ फर्कन र हावाको भलाइ, यसमा भएका कुराहरूको भलाइ र यसलाई गर्न दिएको आदेशको भलाइ, जस्तै वर्षा, परागसञ्चार गर्ने आदिको भलाइको लागि प्रार्थना गर्न मार्गदर्शन दिनुभयो र अल्लाहसँग यसको नराम्रो, यसमा भएका नराम्रो कुरा र यसलाई गर्न दिएको आदेशको नराम्रो कुराबाट जोगिनग प्रार्थना गर्न भन्नु भयो। जस्तै बालीनाली र रूखहरूको क्षति, पशुधनको हत्या, घरहरूको विनाश, आदि बाट तिनीहरूको दुष्टताबाट शरण लिन प्रोत्साहन गर्नु भयो । वास्तवमा, यी कुराहरू अल्लाहसँग माग्नु पनि उहाँको उपासनाको एक अभ्यास हो।

हदीसका केही फाइदाहरू

1. हावाको बारेमा नराम्रो बोल्न निषेध; किनकि हावा अल्लाहको आदेशमा काम गर्ने प्राणी हो। त्यसैले, यसलाई गाली गर्नु वास्तवमा यसको सृष्टिकर्तालाई गाली गर्नु हो, जुन तौहीदमा कमजोरीको संकेत हो।
2. अल्लाहतिर फर्कनु र उनको सृष्टिको दुष्टताबाट शरण लिनु।
3. हावाले कहिले अल्लाहको आदेशले राम्रो ल्याउँछ भने कहिले उनको आदेशले नराम्रो ल्याउँछ।
4. इब्न बाजले भने: हावालाई सराप्नु घोर पाप हो, किनकि यो एक सृष्टि र नियन्त्रित चीज हो जुन कहिले भलाइका लागि पठाइन्छ, कहिले हानिका लागि। यसलाई सराप्नु जायज होइन र यो भन्न पनि अनुमति छैन: कि अल्लाहको धिक्कार होस् हावालाई, वा अल्लाहले हावालाई मारुन्, वा अल्लाहले यस हावामा बरकत नदेऊन्" वा यस्तै कुरा भन्नु हुँदैन।। बरु, मुमिन (विश्वासी)ले त्यो गर्नुपर्छ जुन रसूल (सल्लल्लाहु अलैहि वसल्लम) ले उनलाई गर्न निर्देशन दिएका छन्।
5. हावालाई गाली गर्ने यही सिद्धान्त गर्मी, चिसो, घाम, धुलो र अन्य चीजहरूमा पनि लागु हुनेछ।र अल्लाहको सृष्टि तथा उहाँको आदेशमा चल्ने अन्य कुराहरूलाई गाली गर्नु पनि निषेध छ।