ჰადისი: არ გალანძღოთ ქარი, თუ ნახავთ იმას, რაც არ მოგწონთ თქვით: ''ღმერთო ჩვენო, ჭეშმარიტად, შენ გთხოვთ ამ ქარისგან სიკეთეს, სიკეთეს რაც მასშია, და სიკეთეს რაც მას ებრძანა. შენ შეგეფარებით ამ ქარის უბედურებისგან, რაც მასშია, და რაც მას ებრძანა

عَنْ أُبَيِّ بْنِ كَعْبٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«لاَ تَسُبُّوا الرِّيحَ، فَإِذَا رَأَيْتُمْ مَا تَكْرَهُونَ فَقُولُوا: اللَّهُمَّ إِنَّا نَسْأَلُكَ مِنْ خَيْرِ هَذِهِ الرِّيحِ وَخَيْرِ مَا فِيهَا وَخَيْرِ مَا أُمِرَتْ بِهِ، وَنَعُوذُ بِكَ مِنْ شَرِّ هَذِهِ الرِّيحِ وَشَرِّ مَا فِيهَا وَشَرِّ مَا أُمِرَتْ بِهِ».
[صحيح] - [رواه الترمذي] - [سنن الترمذي: 2252]

უბაი იბნ ქა'ბმა (ალლაჰი იყოს მისით კმაყოფილი) თქვა: ალლაჰის შუამავალმა (ალლაჰის ლოცვა და მშვიდობა მას) თქვა:
«არ გალანძღოთ ქარი, თუ ნახავთ იმას, რაც არ მოგწონთ თქვით: ''ღმერთო ჩვენო, ჭეშმარიტად, შენ გთხოვთ ამ ქარისგან სიკეთეს, სიკეთეს რაც მასშია, და სიკეთეს რაც მას ებრძანა. შენ შეგეფარებით ამ ქარის უბედურებისგან, რაც მასშია, და რაც მას ებრძანა».
[სანდო (საჰიჰ)] - [გადმოსცა ალ-თირმიზიმ] - [სუნან ალ-თირმიზი - 2252]

განმარტება

შუამავალმა (ალლაჰის ლოცვა და მშვიდობა მას) აკრძალა ქარის ლანძღვა და წყევლა, ის მხოლოდ თავისი გამჩენის ბრძანებას ასრულებს, ის ზოგჯერ წყალობით მოვა, ზოგჯერაც - რისხვით, მისი ლანძღვა კი მისი გამჩენი ალლაჰის ლანძღვას და მისი ბედისწერის მიმართ უკმაყოფილობის გამოხატვას ნიშნავს, შემდეგ შუამავალმა (ალლაჰის ლოცვა და მშვიდობა მას) მიუთითა, რომ მის გამჩენს ალლაჰთან უნდა იქნეს მიმართული და მას უნდა ვსთხოვოთ ქარისგან მოტანილი სიკეთე, სიკეთე რაც მასშია, და ის სიკეთე რომლისთვისაც გამოიგზავნა, როგორიც არის წვიმა, მტვერის გადატანა, (ნაყოფთა დამტვერიანებისთვის) და მსგავსი. ასევე ალლაჰს უნდა მივეკედლოთ მისი ბოროტებისგან, მასში არსებული ბოროტებისგან, და იმისგან რისთვისაც ის წარმოიგზავნა, მაგალითად, მცენარეების და ხეების განადგურება, ცხოველების განადგურება, ნაგებობების დანგრევა, და სხვა მსგავსი. ამ ყველაფრის ალლაჰზე თხოვნა კი ალლაჰის მიმართ თაყვანისცემის გამოვლინებაა.

ჰადისის სარგებლობიდან

1. აკრძალულია ქარის ლანძღვა; რადგან ის არის ქმნილი და მართული, მისი ლანძღვა კი მის გამჩენს და მამოძრავებელს უბრუნდება, ეს კი ერთღმერთიანობაში ნაკლოვანებას გამოიწვევს.
2. ალლაჰთან მიბრუნება და მასზე მიკედლება გაჩენილი ქმნილებების სიავისგან.
3. ქარს შეიძლება სიკეთის მოტანა ჰქონდეს ნაბრძანები, შეიძლება უბედურების მოტანა ჰქონდეს ნაბრძანები.
4. იბნ ბაზმა თქვა: «ქარის ლანძღვა ცოდვათაგან ერთ-ერთია; რადგან ის არის გაჩენილი, ნაბრძანები და გამოგზავნილი სიკეთით ან რისხვით, და არ შეიძლება მისი ლანძღვა, არ შეიძლება რომ ითქვას: ალლაჰმა დაწყევლოს ქარი, ან ალლაჰმა დალახვროს ქარი, ან ალლაჰმა არ მისცეს ბარაქა ამ ქარს, და სხვა ამის მსგავსი სიტყვები, პირიქით, მორწმუნე ისე უნდა მოიქცეს, როგორც ეს შუამავალმა (ალლაჰის ლოცვა და მშვიდობა მას) მიუთითა».
5. ანალოგიურად ქართან, აკრძალულია ლანძღვა და გმობა იმისა, რაც დაკავშირებულია სიცხესთან, სიცივესთან, მზესთან, მტვერთან და სხვა მსგავს რამესთან, რომლებიც შექმნილია და იმართება ალლაჰის მიერ.