Hadiis: Ned ning sẽn vẽega beoogo n tar laafɩ a yĩnsẽ, la bas-m-yam a mengẽ, n tar a raarã rɩɩbo, yaa wala b koola dũni wã fãa n kõ yẽnda

عَنْ عُبَيْدِ اللَّهِ بْنِ مِحْصَنٍ الْأَنْصَارِيِّ رَضيَ اللهُ عنهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
«مَنْ أَصْبَحَ مِنْكُمْ مُعَافى فِي جَسَدِهِ، آمِنًا فِي سِرْبِهِ، عِنْدَهُ قُوتُ يَوْمِهِ، فَكَأَنَّمَا حِيزَتْ لَهُ الدُّنْيَا».
[حسن] - [رواه الترمذي وابن ماجه] - [سنن ابن ماجه: 4141]

Yii a ʿAbd Allaah ɭbn mihṣan Al-anṣaariy nengẽ (Wẽnd yard be a yĩnga) a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame:
«Ned ning sẽn vẽega beoogo n tar laafɩ a yĩnsẽ, la bas-m-yam a mengẽ, n tar a raarã rɩɩbo, yaa wala b koola dũni wã fãa n kõ yẽnda».
[Hasanʋn (be neere)] - [A At-tirmiiziy la a ɭbn Maaǧa n togs-a] - [Sunan ɭbn Maaǧa - 4141]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ ned ning sẽn wa n vẽeg beoogo, yãmb a lɩslaamba, n tar laafɩ a yĩngẽ wã n yi bãase, n tar bas-m-yam a mengẽ la a zak rãmbẽ la a koambẽ, rabeem ka a sorẽ wã ye, n tar rɩɩb sẽn na sek-a a raarã, sẽn yaa halaale, yaa wala b tigma dũni wã gilli n kõ-a.

Sẽn be Hɑdiisã yõod-rãmbẽ

1. Wilgda ninsaal sẽn tar tʋlsem ne laafɩ la bas-m-yam la rɩtla.
2. Sõmba ne yamb t'a pẽg Wẽnde, (A Naam zẽk yã) la a pʋʋs-A bark ne neemã-kãensã.
3. Wilgda yamleoog kẽesg tɩ b maan sek-m-menga la b maan dũni yĩgsgu.