Hadiis: Lɩslaam ka tar hakε, n tar bũmb n rat n bas waṣiya (noor gomde), n gãand rasem a tãabo, rẽndame t'a sagellã gʋlsg n be a nengẽ

عَنْ ابْنِ عُمَرَ رَضيَ اللهُ عنهُما أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«مَا حَقُّ امْرِئٍ مُسْلِمٍ لَهُ شَيْءٌ يُوصِي فِيهِ، يَبِيتُ ثَلَاثَ لَيَالٍ، إِلَّا وَوَصِيَّتُهُ عِنْدَهُ مَكْتُوبَةٌ»، قَالَ عَبْدُ اللهِ بْنُ عُمَرَ رضي الله عنهما: «مَا مَرَّتْ عَلَيَّ لَيْلَةٌ مُنْذُ سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ قَالَ ذَلِكَ إِلَّا وَعِنْدِي وَصِيَّتِي».
[صحيح] - [متفق عليه] - [صحيح مسلم: 1627]

Yii a ʿƲmar biig nengẽ (Wẽnd yard be b yiibã yĩnga) tɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame:
«Lɩslaam ka tar hakε, n tar bũmb n rat n bas waṣiya (noor gomde), n gãand rasem a tãabo, rẽndame t'a sagellã gʋlsg n be a nengẽ». A 'Abd Allaah ɭbn 'Ʋmar (Wẽnd yard be b yiibã yĩnga) yeelame: «Yʋng ka pɩʋʋgd maam, mam sẽn wʋm Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga) a sẽn yeel yãwã wã, rẽndame tɩ m noorã gomd bee m nengẽ».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 1627]

bilgrã

Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ ka sõmb ne lɩslaam sẽn tar bũmb n na sagl tɩ b maane, sẽn yaa hakε-rãmb la arzεgse, baa tɩ sã n yaa bilfu, n wa gãand yʋnd a tãabo, rẽndame t'a noorã gomd yaa sẽn gʋls n be a nengẽ. A 'Abd Allaah ɭbn 'Ʋmar (Wẽnd yard be b yiibã yĩnga) yeelame: Yʋng ka pɩʋʋgd maam, mam sẽn wʋm Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga) a sẽn yeel yãwã wã poorẽ, rẽndame tɩ m noorã gomd bee m nengẽ.

Sẽn be Hɑdiisã yõod-rãmbẽ

1. Yaa sãri wã sẽn kõ sor noor gomde, la b yãg n togs-a, tɩ yaa sẽn na yɩl n vẽneg, la b leb n tabend sãri wã sagellã, la b leb n segl kũum yĩnga, la b leb n ning b yamẽ ne noorã gomde la a sẽn na n kẽes zĩig ninga, taoor tɩ bũmb ning ra wa maan soagl n yi-a ye.
2. Al-waṣɩyya (noor gomde), a võorã yaa alkaoole, yẽ me yaa ninsaal rɩk noore, t'a rɩk n kõ ned a kũumã poorẽ, t'a yõdg n maan bũmb yẽ arzεkẽ wã, maa a bas neda t'a ges a koam-bãanego, maa a bas ned t'a ges a tʋʋma, tʋʋm ningã a sẽn so kũumã poorẽ wã.
3. Noorã gomd basgo, a yaa bugs a tãabo: 1- B sẽn bʋ nonglem la yẽnda yaa a bas noore, tɩ b maan bũmb yẽ arzεkẽ wã, n rɩk n maan yel-sõma, sẽn na yɩl t'a yel-sõmdã tat yẽ a kũumã poorẽ. 2-La sẽn yaa tɩlae n zao-a, yaa a sẽn na n bas noor tɩ b yõdg n maneg hakε-rãmb nins sẽn zao a zugã, zem tɩ yaa Wẽnd hakε-rãmb sẽn zao a zugu, wala Zaka a sẽn rag n ka yiisi, maa maan-n-rolga a sẽn rag n ka maan kaffaara la sẽn wõnd rẽ, sẽn yaa yεl sẽn zao yẽ zugu, sãri wã pʋgẽ, maa yaa ninsaalbã hakε-rãmb sẽn zao yẽ zugu, wala samd la boabl sẽn be a nengẽ kɩsgo. 3-La sẽn yaa haraam, t'a sã n paas a sagellã pʋgẽ bũmb sẽn yɩɩd yẽ arzεkã sẽn pʋɩ tãab n yãk yembre (1/3), maa a sã n wa sagl tɩ b kõ ned sẽn na n rɩ faadã.
4. Wilgda a 'Abd Allaah ɭbn 'Ʋmar (Wẽnd yard be b yiibã yĩnga) yɩɩdlem, la a sẽn tar yãgbo n na n maan neere, la a yãgd n tʋgd sãri wã bʋʋd zĩigẽ.
5. A ɭbn Daƙɩɩƙ Al-ʿɩɩde (Wẽnd na yols-a) a yeelame: la b sẽn yols yʋnd a yiibã, bɩ yʋnd a tãabã pʋgẽ, yaa sẽn na tus weoogr la toolem n yiisi.
6. Yεl nins sẽn pakã, sõmbame tɩ b gʋlse, bala woto n yɩɩd ne b na tablg hakε-rãmba la b gũus-ba.