Hadiis: B ka pãbd ned n yɩɩg sãbsg piiga, sã n ka mikame tɩ yaa toadg maan-n-rolga (Hade) sẽn be Wẽnd Todsã pʋgẽ

عَنْ أَبِي بُرْدَةَ الْأَنْصَارِيِّ رَضيَ اللهُ عنهُ أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«لَا يُجْلَدُ أَحَدٌ فَوْقَ عَشَرَةِ أَسْوَاطٍ إِلَّا فِي حَدٍّ مِنْ حُدُودِ اللهِ».
[صحيح] - [متفق عليه] - [صحيح مسلم: 1708]

Yii a Abɩɩ bʋrda nengẽ, (Wẽnd yard be a yĩnga): m wʋma Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'a yetẽ:
«B ka pãbd ned n yɩɩg sãbsg piiga, sã n ka mikame tɩ yaa toadg maan-n-rolga (Hade) sẽn be Wẽnd Todsã pʋgẽ».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 1708]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) gɩdgame tɩ b pãb ned tɩ yɩɩg kaas piiga, sã n ka Wẽnd kɩɩsgã yεlẽ, la raabã ka yεl nins sẽn wa sãri wã pʋgẽ, sẽn yãk sõor tɩ yaa pãbre, maa yaa zab-taab sɩbgr ning sẽn be beenẽ wã ye. Raabã yaa tɩ sã n yaa zʋglg pãbre, a ka yɩɩgd kaas piig ye, wala pag pãbre, maa biiga.

Sẽn be Hɑdiisã yõod-rãmbẽ

1. Wẽnd todsã, (A Naam zẽk yã) A sẽn sagl la A gɩdgã, bãmb tara sɩbg-rãmb sẽn na yɩl tɩ nebã yεεs n yi-ba, maa tɩ yaa bũmb sẽn korde n yãk toaag sãri wã pʋgẽ, maa yaa bʋ-bʋʋdã sẽn wa n yã sɩbgr ning tɩ togda.
2. Zʋglgã yɩta faaga n zems ne toglgã la fʋʋsgã alkadre, rẽnd b ka sõmb n paas a pʋgẽ n yɩɩg kaas piig ye, sã n mikame tɩ tʋlsem n be tɩ b na n pãbe, la sẽn sõmb n yɩɩda yaa b zʋglg tɩ ka yɩ ne pãbr ye, pʋs n yaa toglgo, la wilgri, la kãndagre, la nonglem kẽesgo, bala woto n pẽ ne b na sak n reege, la halhaal-rãmbã zĩ-kãngã yõsda taab wʋsgo, rẽnd b sõmb n gesa manegr sẽn yɩɩdã n maane.