hadiisa: Sheyxaanni jaziiraa Arabaa keessatti namoonni salaatan isa gabbaruu irraa dhugumatti abdii kutateera, garuu isaan giddutti badii argamsiisuu keessatti abdii hin kutanne

عَنْ جَابِرٍ رضي الله عنه قَالَ: سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«إِنَّ الشَّيْطَانَ قَدْ أَيِسَ أَنْ يَعْبُدَهُ الْمُصَلُّونَ فِي جَزِيرَةِ الْعَرَبِ، وَلَكِنْ فِي التَّحْرِيشِ بَيْنَهُمْ».
[صحيح] - [رواه مسلم] - [صحيح مسلم: 2812]

Jaabiir irraa akka odeeffametti -Rabbiin irraa haa jaallatu- akkana jedhe: Nabiyyii -nagaa fi rahmanni irra haa jiraatu- akkana kan jedhuun dhagahe:
«Sheyxaanni jaziiraa Arabaa keessatti namoonni salaatan isa gabbaruu irraa dhugumatti abdii kutateera, garuu isaan giddutti badii argamsiisuu keessatti abdii hin kutanne».
[sirrii] - [Muslimtu gabaase] - [Sahiiha muslim - 2812]

Ibsaa

Nabiyyiin -nagaa fi rahmanni irra haa jiraatu- mu’mintoonni isa gabbaruu fi biyya arabaa keessatti taabotaaf sujuudutti deebi'uu irraa ibliisa akka abdii kutate himan, Garuu wal dhabdeen, jibbaan, lola gargaraatiin, qorumsa adda addaatii fi kan kana fakkaataniin gidduu isaanitti rakkina uumuu irraa akka abdii hin kutatinii fi kan godhuuf boqonnaa tokko malee akka irratti hojjataa jiruus himaniiru.

bu.aa hadiisa irraa

1. Sheyxanaa gabbaruu jechuun taabota gabbaruu jechuu dha, Sababni isaas kan itti ajajuu fi itti waamu sheyxaana waan ta'eefi, ragaan jecha Rabbii ol taheeti, Nabi Ibraahimiin -nageenyi irra haa jiraatu- yeroo dubbate keessatti: (Yaa Abbaa koo, sheyxaana hin gabbarin....)
2. Sheyxaanni Muslimoota gidduutti waldhabdee, Jibbaa, waraanaa fi qorumsa garagaraa uumuuf carraaqa.
3. Faayidaa salaanni Islaamummaa keessatti qabu keessaa tokko jaalala Muslimoota gidduutti horuu fi hidhata obbolummaa isaan gidduu jiru cimsuudha.
4. Salaanni booda shahaadaa lamaanitii sirna amantii guddaadha, kanaaf hadiisa keessatti Muslimoonni namoota salaatan jechuun waamaman.
5. Biyyoonni (jaziiraan) Arabaa amaloota biyyoota biroo irraa adda ta'an qabaniidha.
6. Nabiyyiin -nagaa fi rahmanni irra haa jiraatu- (sheyxaanni biyyoota arabaa keessatti warri salaatu gabbaruu irraa dhugumatti abdii kutate) jechuu waliin garii biyyoota arabaa keessatti taabota gabbaruun argameera yoo jedhame, kun abdii kutannaa lubbuu sheyxaanaa keessatti argame irraa himuudha; sunis yeroo biyyoonni hedduun muslimootaan banamanii fi namoonni baay'innaan amantii Rabbii seenan arge keessatti. Hadiisni kun seehaa sheyxaanatii fi waan inni fuulduratti ni taha jedhee yaadu irraa dubbate, Eegasii ogummaa Rabbiin ol ta'e fedheen qabatamni faallaa sanaa ta'ee argame.