නබි වදන: කවරෙකු ගැහැණු දරුවන් දෙදෙනෙකු ඔවුන් වැඩිවියට පත්වන තුරු හදාවඩා ගත්තේ ද මළවුන් කෙරෙන් නැගිටුවනු ලබන දිනයේ මා හා ඔහු මේ දෙක මෙන් එනු ඇත.

عن أنس بن مالك رضي الله عنه مرفوعاً: «مَنْ عَالَ جَارِيَتَين حتَّى تَبلُغَا جاء يَومَ القِيَامَة أَنَا وَهُو كَهَاتَين» وضَمَّ أَصَابِعَه.
[صحيح] - [رواه مسلم [ بدون زيادة: كهاتين]، وهذا لفظ الترمذي]

අනස් ඉබ්නු මාලික් (රළියල්ලාහු අන්හු) තුමා විසින් වාර්තා කරන ලදී. මෙය මර්ෆූඃ ගණයට අයත් හදීසයකි. “කවරෙකු ගැහැණු දරුවන් දෙදෙනෙකු ඔවුන් වැඩිවියට පත්වන තුරු හදාවඩා ගත්තේ ද මළවුන් කෙරෙන් නැගිටුවනු ලබන දිනයේ මා හා ඔහු මේ දෙක මෙන් එනු ඇත. යැයි පවසා එතුමාගේ ඇගිළි දෙක ළං කළහ.
පූර්ව සාධක සහිත හදීසයකි. - ඉමාම් මුස්ලිම් එය වාර්තා කර ඇත.

විවරණය

මෙම හදීසයේ ගැහැණු දරුවන් හදාවඩා ගැනීමේ මහිමය සඳහන් වෙයි. සැබැවින්ම ගැහැණු දරුවා යනු දුර්වල මෘදු කතකි. බොහෝ විට ඇයගේ පවුලේ උදවිය ඇයව වැදගත් කොට නොසලකති. එබැවින් නබි (සල්ලල්ලාහු අලයිහි වසල්ලම්) තුමා මෙසේ පැවසූහ. "c2">“කවරෙකු ගැහැණු දරුවන් දෙදෙනෙකු ඔවුන් වැඩිවියට පත්වන තුරු හදාවඩා ගත්තේ ද මළවුන් කෙරෙන් නැගිටුවනු ලබන දිනයේ මා හා ඔහු මේ දෙක මෙන් එනු ඇත” යැයි පවසා එතුමාගේ ඇගිළි දෙක ළං කළහ. එනම් දබරැගිල්ල හා මැදැගිල්ලය. ඉන් අදහස් කරනුයේ ඔහු ගැහැණු දරුවන් දෙදෙනකු හදාවඩා ගත් විටෙක ස්වර්ගයේ අල්ලාහ්ගේ දූතයාණන්ට මිතුරකු වනු ඇත යන්නයි. එම ගැහැණු දරුවන් දෙදෙනා දූවරුන් හෝ සහෝදරියන් හෝ වෙනත් ගැහැණු දරුවන් දෙදෙනකු හෝ විය හැක. සැබැවින්ම ඔහු ස්වර්ගයේ නබි (සල්ලල්ලාහු අලයිහි වසල්ලම්) තුමා සමග වනු ඇත. එතුමා එතුමාගේ ඇගිලි දෙක අතර සම්බන්ධ කර පෙන්වීය. බොහෝ විට හදා වඩා ගැනීම යනුවෙන් සැලකෙන්නේ ඇදුම් පැළඳුම්, ආහාර පාන, වාසස්ථාන හා නිදි යහන් වැනි ශරීරයට අවශ්ය වියදම් දැරීමයි. එමෙන්ම ඉගැන්වීම, අවවාද කිරීම මග පෙන්වීම යහපත නියෝග කිරීම අයහපතින් වැළැක්වීම හා එවැනි කටයුතු වෙත යොමු වීමත් ඇතුළත් වේ. ගැහැණු දරුවන් සමග යහපත් ලෙස කටයුතු කරන්නා කල් ඇතිව මෙලොව යහපත මෙන්ම ප්රමාදව මතුලොව යහපත යන දෙකම ලබනු ඇත.