Ab Adiis: ku dundal ñaari jigéen ba ñu mat, dana ñëw ëllëg bis-pénc man ak moom" mu tàppale ay baaraamam

عَنْ أَنَسِ بْنِ مَالِكٍ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ عَالَ جَارِيَتَيْنِ حَتَّى تَبْلُغَا جَاءَ يَوْمَ الْقِيَامَةِ أَنَا وَهُوَ» وَضَمَّ أَصَابِعَهُ.
[صحيح] - [رواه مسلم] - [صحيح مسلم: 2631]

Jële nañu ci Anas Ibn Maalik yal na ko Yàlla dollee gërëm mu wax ne Yonnente Yàlla bi yal na ko Yàlla dolli xéewal ak mucc nee na:
"ku dundal ñaari jigéen ba ñu mat, dana ñëw ëllëg bis-pénc man ak moom" mu tàppale ay baaraamam.
[Wér na] - [Muslim soloo na ko] - [Téere Muslim bi gën a wér - 2631]

Leeral

Yonnente bi yal na ko Yàlla dolli xéewal ak mucc day xibaare ne ku ñu wërsëgale ay doom yu jigéen walla ay rakk yu jigéen, mu dundal leen yar leen jubbanti leen jëme leen ci yiw ak moytu lu bon ak yi ko niru ba nu màgg ba mat; dana ñëw ëllëg bis-pénc moom ak Yonnente bi yal na ko Yàlla dolli xéewal ak mucc mel ni ñaar yii, mu kebale baaraamu sànnikaay bi ak bi ci digg bi.

Bokk na ci njariñi Adiis bi

1. Yool bu màgg bi nekk ci dundal doom yu jigéen yi ak yar leen ba ñu sëyi walla ñu mat, ni ki noonu it rakk yu jigéen yi.
2. Fayug taxawu doom yu jigéen yi moo gën a màgg taxawu doom yu góor yi; ndaxte tudduñu lu mel noonu ci seen àq; loolu nag ndaxte dundal doom yu jigéen ak yittewoo seen i bir moo gën a màgg biri doom yu góor yi; ndaxte ñoom ay awra lañu duñu def seen i bir, te duñu ca soppaxndiku kem doom yu góor yi, niki noonu it ndaxte baay bi wékkul ci ñoom xemmeemam ci di leen dëgërloo ci kaw noon yi, ak dundal turam wi, ak jokkale askanam, ak yeneen, kem ni mu ajoo ci góor ñi; ba tax kiy deppaase ci ñoom aajowoo ci loolu muñ ak sellal, ànd ak rafet yéene; moo tax fay gi màgg, ba tax muy nekk àndandoo Yonnente bi yal na ko Yàlla dolli xéewal ak mucc ëllëg bis-pénc.
3. Màndargay mat ci jigéen: matal fukki at ak juróom, walla mu gis mbaax donte lu jiitu fukki at ak juróom la, walla kawaru naq sax ci moom te mooy kawar gu ñagas giy wër awra wi, walla ci gént te mooy génne Maniyu ci ay nelaw.
4. Al-Xurtubii nee na: li mu jublu ci seen ug mat mooy ñu egg ci melo wu ñuy beroo ci seen bopp; te loolu ci jigéen ñi bu ñu demee ba sëyi, mat gi tekkiwul rekk ñu gis mbaax nekk mukàllaf; ndaxte amaana mu sëy lu jiitu loolu bu ko defee mu doyloo jëkkër ji wolif aji-yar ji, amaana it mu gis mbaax te beruwul ci dara ci luy yéwénal ay biram te bu ñu ko bàyyi woon mu sànku ay biram yàqu, waaye moom ci jamono jooju moo gën a yeyoo wattu ak sàmm ak taxawe ko ngir wattu gi mat ba mu bëgg ko a maye mu sëy, maanaa mii moo tax sunu woroom xam-xam yi wax ne deppaasu xale bu jigéen bi du wàcc baayam ngir ne mukallaf la, waaye bala koo wàcc mu am jëkkër ba jëkkër ci xam ko.