فەرموودە: ئه‌ی پێغه‌مبه‌رێ خودێ؛ ئه‌م وه‌سا دبینین كو جیهاد باشترین كریاره‌، ئه‌رێ ئه‌م جیهادێ نه‌كه‌ین؟ گۆت: «نه‌خێر، به‌لكی باشترین جیهاد بۆ هه‌وه‌: حه‌جه‌كه‌ ب دروستی هاتبیته‌ ئه‌نجامدان

عَنْ عَائِشَةَ أُمِّ المُؤْمِنِينَ رَضِيَ اللَّهُ عَنْهَا أَنَّهَا قَالَتْ:
يَا رَسُولَ اللَّهِ، نَرَى الجِهَادَ أَفْضَلَ العَمَلِ، أَفَلاَ نُجَاهِدُ؟ قَالَ: «لَا، لَكُنَّ أَفْضَلُ الجِهَادِ: حَجٌّ مَبْرُورٌ».
[صحيح] - [رواه البخاري] - [صحيح البخاري: 1520]

عائیشا دایكا باوه‌رداران (خودێ ژێ ڕازی بیت) دبێژیت: کو وێ گۆت:
ئه‌ی پێغه‌مبه‌رێ خودێ؛ ئه‌م وه‌سا دبینین كو جیهاد باشترین كریاره‌، ئه‌رێ ئه‌م جیهادێ نه‌كه‌ین؟ گۆت: «نه‌خێر، به‌لكی باشترین جیهاد بۆ هه‌وه‌: حه‌جه‌كه‌ ب دروستی هاتبیته‌ ئه‌نجامدان».
[صحيح] - [رواه البخاري] - [صحيح البخاري - 1520]

شیکردنەوە

صه‌حابییان (خودێ ژ وان ڕازی بیت) وه‌سا ددیت كو جیهادا د ڕێكا خودێدا و شه‌ڕێ دوژمنان ژ باشترین كریارانه‌. ڤێجا عائیشایێ (خودێ ژێ ڕازی بیت) پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر كا ئه‌رێ ئه‌و ژی (وه‌ك ژن) دشێن جیهادێ بكه‌ن؟
ئینا پێغه‌مبه‌ری (صه‌لات و سه‌لامێن خودێ ل سه‌ر بن) ڕێبه‌رییا وان كر و به‌رێ وان دا باشترین جیهاد بۆ وان، ئه‌و ژی حه‌جا دروست (و مه‌بروره)‌؛ ئه‌و حه‌جا د گه‌ل قورئان و سوننه‌تێ دگونجیت و ژ گونه‌هـ و ڕویمه‌تییێ یا پاقژ و دویر بیت.

لە سوودەکانی فەرموودەکە

1. جیهاد ژ باشترین كریارانه‌ بۆ زه‌لامان.
2. حه‌ج بۆ ژنان باشتره‌ ژ جیهادێ و ئه‌و ژ باشترین كریارانه‌ بۆ وان.
3. خێر و مه‌زناهییا كریاران یا جودایه‌ و ل دویڤ وی كه‌سێ كریارێ ئه‌نجام دده‌ت دهێته‌ گوهۆڕین.
4. حه‌ج ب جیهادێ هاته‌ ناڤكرن، چونكی ئه‌و جیهاده‌ د گه‌ل نه‌فسێ و مه‌زاختنا مالی و هێزا له‌شی تێدایه‌، ڤێجا ئه‌و ژی وه‌كی جیهادا د ڕێكا خودێدا په‌رستنه‌كا مالی و له‌شییه‌.