Hadithi: O i Dërguari i Allahut! Kemi mësuar se xhihadi është vepra më e mirë. Prandaj, a të marrim pjesë edhe ne në xhihad?" - “Jo, xhihadi më i mirë (për ju) është haxhi i pranuar”, - iu përgjigj Profeti ﷺ

عَنْ عَائِشَةَ أُمِّ المُؤْمِنِينَ رَضِيَ اللَّهُ عَنْهَا أَنَّهَا قَالَتْ:
يَا رَسُولَ اللَّهِ، نَرَى الجِهَادَ أَفْضَلَ العَمَلِ، أَفَلاَ نُجَاهِدُ؟ قَالَ: «لَا، لَكُنَّ أَفْضَلُ الجِهَادِ: حَجٌّ مَبْرُورٌ».
[صحيح] - [رواه البخاري] - [صحيح البخاري: 1520]

Aishja, nëna e besimtarëve (Allahu qoftë i kënaqur me të!), ka thënë:
"O i Dërguari i Allahut! Kemi mësuar se xhihadi është vepra më e mirë. Prandaj, a të marrim pjesë edhe ne në xhihad?" - “Jo, xhihadi më i mirë (për ju) është haxhi i pranuar”, - iu përgjigj Profeti ﷺ.
[Ky hadith është sahih] - [E shënon Buhariu] - [Sahihu i Buhariut - 1520]

Shpjegimi

Sahabët (Allahu qoftë i kënaqur me ta!) e konsideronin xhihadin në rrugë të Allahut dhe luftimin e armiqve prej veprave më të mira, prandaj Aishja (Allahu qoftë i kënaqur me të!) e pyeti Profetin ﷺ nëse mund të luftonin edhe ato.
Kështu, Profeti ﷺ i udhëzoi ato se xhihadi më i mirë për to është haxhi i pranuar, që bëhet sipas udhëzimeve kuranore dhe profetike, i cili është i pastër nga mëkatet dhe syfaqësia.

Mësime nga hadithi

1. Xhihadi për burrat është prej veprave më të mira.
2. Sa u përket femrave, haxhi për to është më i mirë sesa xhihadi dhe është prej veprave më të mira për to.
3. Vlerat e veprave dallojnë nga njëra-tjera në varësi se kush i vepron.
4. Haxhi u quajt xhihad sepse është xhihad (përpjekje - mundim) ndaj vetes - shpirtit, për të cilin shpenzohet pasuria dhe energjia fizike. Pra, është adhurim fizik dhe ekonomik, sikurse xhihadi në rrugë të Allahut.