Hadith: ឱរ៉ស៊ូលុលឡោះ! ពួកយើងយល់ឃើញថា ការតស៊ូ(ជីហាទ) គឺជាទង្វើដ៏ប្រសើរបំផុត។ ហេតុនេះ តើពួកយើង(ជាស្ត្រី)មិនតស៊ូទេឬ? លោកបានឆ្លើយថា៖ “ទេ សម្រាប់ពួកនាង ការតស៊ូ(ជីហាទ)ដ៏ប្រសើរបំផុត គឺការធ្វើហាជ្ជីដែលត្រូវបានគេទទួលយក”។

عَنْ عَائِشَةَ أُمِّ المُؤْمِنِينَ رَضِيَ اللَّهُ عَنْهَا أَنَّهَا قَالَتْ:
يَا رَسُولَ اللَّهِ، نَرَى الجِهَادَ أَفْضَلَ العَمَلِ، أَفَلاَ نُجَاهِدُ؟ قَالَ: «لَا، لَكُنَّ أَفْضَلُ الجِهَادِ: حَجٌّ مَبْرُورٌ».
[صحيح] - [رواه البخاري] - [صحيح البخاري: 1520]

អំពី អាអ៊ីស្ហះ អ៊ុមមុលមុមីនីន رضي الله عنها ពិតណាស់ គាត់បាននិយាយថា៖
ឱរ៉ស៊ូលុលឡោះ! ពួកយើងយល់ឃើញថា ការតស៊ូ(ជីហាទ) គឺជាទង្វើដ៏ប្រសើរបំផុត។ ហេតុនេះ តើពួកយើង(ជាស្ត្រី)មិនតស៊ូទេឬ? លោកបានឆ្លើយថា៖ “ទេ សម្រាប់ពួកនាង ការតស៊ូ(ជីហាទ)ដ៏ប្រសើរបំផុត គឺការធ្វើហាជ្ជីដែលត្រូវបានគេទទួលយក”។
[صحيح] - [رواه البخاري] - [صحيح البخاري - 1520]

Explanation

បណ្តាសហាហ្ពាត់ رضي الله عنهم តែងយល់ឃើញថា ការតស៊ូក្នុងមាគ៌ាអល់ឡោះ(ជីហាទ) និងការប្រយុទ្ធនឹងសត្រូវ គឺជាទង្វើកុសលដ៏ប្រសើរបំផុត។ ដូចនេះ អាអ៊ីស្ហះ رضي الله عنها ក៏បានសួរណាពី ﷺ ថា តើស្ត្រីអាចចូលរួមតស៊ូក្នុងមាគ៌ាអល់ឡោះបានដែរឬទេ?
ពេលនោះ ណាពី ﷺ លោកបានណែនាំដល់ស្ត្រីទាំងឡាយទៅកាន់ការតស៊ូដ៏ប្រសើរបំផុតសម្រាប់ពួកនាង នោះគឺការធ្វើហាជ្ជីដែលត្រូវបានគេទទួលយកដែលត្រឹមត្រូវស្របតាមគម្ពីរគួរអាននិងស៊ុណ្ណះ ព្រមទាំងជ្រះស្អាតពីអំពើបាប និងការចង់ឲ្យមនុស្សមើលឃើញ(រីយ៉ាក)។

Benefits from the Hadith

1. ការតស៊ូក្នុងមាគ៌ាអល់ឡោះ(ជីហាទ) គឺស្ថិតក្នុងចំណោមទង្វើកុសលដ៏ប្រសើរបំផុតសម្រាប់បុរស។
2. សម្រាប់ស្ត្រី ការធ្វើហាជ្ជី គឺប្រសើរជាងការតស៊ូក្នុងមាគ៌ាអល់ឡោះ(ជីហាទ) ហើយវាស្ថិតក្នុងចំណោមទង្វើកុសលដ៏ប្រសើរបំផុតសម្រាប់ពួកនាង។
3. ទង្វើកុសលទាំងឡាយ គឺមានកម្រិតខុសៗគ្នាអាស្រ័យទៅតាមអ្នកប្រតិបត្តិ។
4. ការធ្វើហាជ្ជីត្រូវបានគេឲ្យឈ្មោះថា ជាការតស៊ូ(ជីហាទ) ព្រោះវាជាការតស៊ូជម្នះនឹងខ្លួនឯង ហើយត្រូវចំណាយទាំងទ្រព្យសម្បត្តិ និងកម្លាំងកាយ។ វាជាការគោរពសក្ការៈ(អ៊ីហ្ពាហ្ទាត់)ផ្នែករាងកាយ និងហិរញ្ញវត្ថុ ដូចជាតស៊ូក្នុងមាគ៌ារបស់អល់ឡោះដែរ។