Hadiis: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a ra yɩɩme n nong doos nins sẽn tigimã la a basd zẽng sẽn ka rẽ

عَنْ عَائِشَةَ رضي الله عنها قَالَتْ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ يَسْتَحِبُّ الْجَوَامِعَ مِنَ الدُّعَاءِ، وَيَدَعُ مَا سِوَى ذَلِكَ.
[صحيح] - [رواه أبو داود وأحمد] - [سنن أبي داود: 1482]

Yii a 'Aaɩša nengẽ, (Wẽnd yard be a yĩnga) a yeelame:
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a ra yɩɩme n nong doos nins sẽn tigimã la a basd zẽng sẽn ka rẽ.
[Naṣʋn Ṣahɩɩhʋn (Gom-sikdem sẽn manege)] - [A Abʋʋ Daawʋʋd la a Ahmad n togs-a] - [Sunan Abɩɩ Daawʋʋd - 1482]

bilgrã

Nabiyaamã (Wẽnd pʋʋsg la A tɩlgr be a yĩnga) a ra yɩɩme n nong doos nins sẽn tigim dũni la laahr yel-sõmã wã, gom-biis sẽn yaa bilf tɩ b maanã wã yaa wʋsgo, tɩ Wẽnd pẽgr la bõn-raab be a pʋgẽ la a basd zẽng sẽn ka rẽ.

Sẽn be Hɑdiisã yõod-rãmbẽ

1. B bʋʋ nonglem ne doos nins sẽn yaa bilfã, sẽn tigim yel-sõma, la b kisga regl-m-meng la gom-pelem-pelem kosgã pʋga, rẽnda yaa bũmb sẽn yõsg ne Nabiyaamã (Wẽnd pʋʋsg la A tɩlgr be a yĩnga) kãndgrã.
2. Wẽnd welga goam-koees sẽn tigime n kõ Wẽnd Tẽn-tʋʋmã, (Wẽnd pʋʋsg la A tɩlgr be a yĩnga).
3. Wilgdame tɩ b maan yã-beed ne doos nins sẽn tablg tɩ Nabiyaamã (Wẽnd pʋʋsg la A tɩlgr be a yĩnga) kosa ne-ba, baa tɩ yaa woko, tɩ gom-biisã yaa wʋsgo, bala b fãa yaa kosg sẽn tigime.