Hadith: រ៉ស៊ូលុលឡោះ ﷺ លោកចូលចិត្តប្រើពាក្យបួងសួងដែលមានន័យទូលំទូលាយ ហើយលះបង់ចោលនូវអ្វីផ្សេងពីនេះ។

عَنْ عَائِشَةَ رضي الله عنها قَالَتْ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ يَسْتَحِبُّ الْجَوَامِعَ مِنَ الدُّعَاءِ، وَيَدَعُ مَا سِوَى ذَلِكَ.
[صحيح] - [رواه أبو داود وأحمد] - [سنن أبي داود: 1482]

អំពី អាអ៊ីស្ហះ رضي الله عنها បាននិយាយថា៖
រ៉ស៊ូលុលឡោះ ﷺ លោកចូលចិត្តប្រើពាក្យបួងសួងដែលមានន័យទូលំទូលាយ ហើយលះបង់ចោលនូវអ្វីផ្សេងពីនេះ។
[صحيح] - [رواه أبو داود وأحمد] - [سنن أبي داود - 1482]

Explanation

ណាពី ﷺ លោកចូលចិត្តបួងសួងដោយប្រើពាក្យដែលគ្របដណ្តប់ទាំងប្រការល្អក្នុងលោកិយនិងបរលោក ដោយប្រើពាក្យតិចតែមានអត្ថន័យច្រើន មានការសរសើរចំពោះអល់ឡោះជាម្ចាស់ និងគោលបំណងដ៏ថ្លៃថ្លា ហើយបោះបង់ចោលនូវអ្វីផ្សេងក្រៅពីនេះ។

Benefits from the Hadith

1. គប្បីបួងសួងដោយប្រើពាក្យពេចន៍ដ៍ខ្លីៗ តែគ្របដណ្ដប់នូវអត្ថន័យល្អ និងទូលំទូលាយ និងគួរជៀសវាងការប្រើពាក្យដែលស្មុគស្មាញ ផ្តល់ការលំបាកដល់ខ្លួនឯង និងបរិយាយហួសហេតុនៅក្នុងការបួងសួង ដែលផ្ទុយពីការចង្អុលបង្ហាញរបស់ណាពី ﷺ។
2. បញ្ជាក់ពីលក្ខណៈពិសេសមួយរបស់រ៉ស៊ូលុលឡោះ ﷺ ដោយលោកត្រូវបានគេប្រទានឱ្យនូវពាក្យដែលមានអត្ថន័យទូលំទូលាយ។
3. គួរយកចិត្តទុកដាក់បួងសួងនូវពាក្យបួងសួង(ទូអា)ទាំងឡាយណាដែលមានភស្តុតាងបញ្ជាក់ថា ណាពី ﷺ លោកបានបួងសួងនឹងវា ទោះបីជាវែងក៏ដោយ ព្រោះទាំងអស់នោះសុទ្ធតែជាពាក្យបួងសួងដែលមានអត្ថន័យទូលំទូលាយ។