Hadiis: Yonnente Yàlla bi yal na ko Yàlla dolli xéewal ak mucc daan na bëgg ñaan yi làmboo lu bari, daan bàyyi yu dul yooyu

عَنْ عَائِشَةَ رضي الله عنها قَالَتْ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ يَسْتَحِبُّ الْجَوَامِعَ مِنَ الدُّعَاءِ، وَيَدَعُ مَا سِوَى ذَلِكَ.
[صحيح] - [رواه أبو داود وأحمد] - [سنن أبي داود: 1482]

Jële nañu ci Aysatu yal na ko Yàlla dollee gërëm mu wax ne:
Yonnente Yàlla bi yal na ko Yàlla dolli xéewal ak mucc daan na bëgg ñaan yi làmboo lu bari, daan bàyyi yu dul yooyu.
[Wér na] - [Abóo Daawuda soloo na ko,ak Ahmat] - [Téere Sunna yi bu Abóo Daawuda - 1482]

Leeral gi

Yonnente bi yal na ko Yàlla dolli xéewal ak mucc dafa bëggoon ñaan yi làmboo yiwi àdduna ak allaaxira ci ay kàddu yu néew te maanaa mi bari, muy am tagg Yàlla ak jubluwaay yu sell, mu daan bàyyi yu dul yooyu.

Bokk na ci njariñi hadiis bi

1. Sopp nañu ñaan ci ay kàddu yu néew te làmboo ay maanaay yiw, sib nañu it di diisal ak di jafeel ci ñaan, te dafa wuute ak njubug Yonnente bi yal na ko Yàlla dolli xéewal ak mucc.
2. Jagleel nañu Yonnente Yàlla bi yal na ko Yàlla dolli xéewal ak mucc kàddu yoy day dajale lu bari.
3. Xér ci ñaan yi sax jóge ci Yonnente bi, donte dafa gudd ay baatam bari, loolu lépp dafa bokk ci ñaan yi matale.