Hədis: “Kim Allah yolunda cihad edəni təchiz edərsə, sanki özü cihad etmişdir. Hər kim Allah yolunda cihad edəni (ailəsinin qayğısına qalmaqda) əvəz edərsə, sanki özü cihad etmiş olar”

عَن زَيْدِ بْنِ خَالِدٍ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ جَهَّزَ غَازِيًا فِي سَبِيلِ اللَّهِ فَقَدْ غَزَا، وَمَنْ خَلَفَ غَازِيًا فِي سَبِيلِ اللَّهِ بِخَيْرٍ فَقَدْ غَزَا».
[صحيح] - [متفق عليه] - [صحيح البخاري: 2843]

Zeyd bin Xaliddən (Allah ondan razı olsun) Allah Rəsulunun (Allahın salavatı və salamı onun üzərinə olsun) belə buyurduğu rəvayət edilir:
“Kim Allah yolunda cihad edəni təchiz edərsə, sanki özü cihad etmişdir. Hər kim Allah yolunda cihad edəni (ailəsinin qayğısına qalmaqda) əvəz edərsə, sanki özü cihad etmiş olar”.
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihul-Buxari - 2843]

Şərh (izah)

Peyğəmbər (Allahın salavatı və salamı onun üzərinə olsun) xəbər verir ki, Allah yolunda cihad edən kəsin ehtiyac duyulan səfər vəsaitlərini- silah, nəqliyyat, yemək, məsrəf kimi şeyləri təşkil edən adam cihad edənlə ilə eyni hökmdədir və mücahidlərin savabına nail olar.
Kim Allah yolunda cihad edən kəsin işlərini öz öhdəsinə götürərsə, o olmadığı müddətcə ailəsinin qayğısına qalmaqda onu əvəz edərsə, o, da Allah yolunda cihad edən kəsin hökmündə olar.

Hədisin faydalarından

1. Müsəlmanları xeyir işlərdə bir-birlərinə yardım etməyə həvəsləndirmək.
2. İbn Həcər (Allah ona rəhmət etsin) demişdir: Bu hədisdə müsəlmanların məsləhəti üçün çalışan və ya onların vəzifələrindən birini yerinə yetirən şəxsə yaxşılıq etməyə təşviq vardır.
3. Ümumi qayda: Kim Allaha itaətlərdən bir itaətdə bir şəxsə yardım edərsə, onun mükafatı qədər savab qazanar və bu həmin kəsin mükafatından heç bir şey azaltmaz.