hadiisa: Namni worra karaa Rabbii keessatti duulan qopheesse dhugaan duulee jira, namni worra karaa Rabbii keessatti duulu khayriin bakka bu'e dhugaan duulee jira

عَن زَيْدِ بْنِ خَالِدٍ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ جَهَّزَ غَازِيًا فِي سَبِيلِ اللَّهِ فَقَدْ غَزَا، وَمَنْ خَلَفَ غَازِيًا فِي سَبِيلِ اللَّهِ بِخَيْرٍ فَقَدْ غَزَا».
[صحيح] - [متفق عليه] - [صحيح البخاري: 2843]

Zayd ibnu khaalid irraa akka odeeffameetti -Rabbi isa irraa haa jaallatu- ergamaan Rabbii -Rabbiin rahmataa fi nageenya isaan irratti haa buusu- ni jedhani:
«Namni worra karaa Rabbii keessatti duulan qopheesse dhugaan duulee jira, namni worra karaa Rabbii keessatti duulu khayriin bakka bu'e dhugaan duulee jira».
[sirrii] - [Bukharif muslim irratti waliigalan] - [Sahiiha bukhaarii - 2843]

Ibsaa

Nabiyyiin -Rabbiin rahmataa fi nageenya isaan irratti haa buusu- namni worra karaa Rabbii keessatti duula godhuuf sababoowwan imala isaatii fi meeshaa woraanaa, geejjiba, nyaata, baasii fi kan biroo irraa waan inni itti haa jomu qopheesseef; inni akka nama duuleeti, mindaan duultotaas isaaf argama jechuu himani.
Akkasumas namni dhimma nama duulee toltuun itti gaafatamummaa fudhatee, yeroo inni qe'ee irraa fagaatutti maatii isaa eeguu keessatti bakka isa irraa bu'e inni akkuma nama duuleetti lakkaawama jechuu himani.

bu.aa hadiisa irraa

1. Toltuu irratti wol gargaaruu keessatti muslimtoota kakaasuutu keessa jira.
2. Aalimni guddaan ibnu hajar akkas jedhe: Hadiisa kana keessa nama muslimootaaf toltuu hojjate yookaan nama dhimma tokko kan dhimmoota isaanii irraa ta'een dhaabbateef tola ooluutti kakaasuutu jira.
3. Foormulaan wolii galaa: namni karaa Rabbii keessatti nama gargaare mindaa akka nama gargaare sanaatu isaaf jira, mindaa nama gargaaramee sana irraa homaa osoo hin hir'ifamin.