हदीस: एकल उपासकहरूले अग्रता पाइसके।’
عَنْ أَبِي هُرَيْرَةَ رضي الله عنه قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ يَسِيرُ فِي طَرِيقِ مَكَّةَ، فَمَرَّ عَلَى جَبَلٍ يُقَالُ لَهُ جُمْدَانُ، فَقَالَ: «سِيرُوا هَذَا جُمْدَانُ، سَبَقَ الْمُفَرِّدُونَ» قَالُوا: وَمَا الْمُفَرِّدُونَ يَا رَسُولَ اللهِ؟ قَالَ: «الذَّاكِرُونَ اللهَ كَثِيرًا وَالذَّاكِرَاتُ».
[صحيح] - [رواه مسلم] - [صحيح مسلم: 2676]
المزيــد ...
अबू-हुरैरह (रजियल्लाहु अन्हु) ले बयान गरेका छन् :
“अल्लाहका रसूल (सल्लल्लाहु अलैहि व सल्लम) मक्का जाने बाटोमा यात्रा गरिरहनुभएको थियो। बाटोमा एउटा पहाड आयो, जसलाई 'जुम्दान' भनिन्थ्यो। तब उहाँले भने, ‘तिमीहरू अघि बढ, यो जुम्दान हो। एकल उपासकहरूले अग्रता पाइसके।’ मानिसहरूले सोधे, ‘हे अल्लाहका रसूल! एकल उपासकहरू भनेको को हुन्?’ उहाँले उत्तर दिनुभयो, ‘अल्लाहलाई धेरै सम्झने पुरुष र महिलाहरू।’”
[सही] - [मुस्लिमले वर्णन गरेका छन्] - [सही मुस्लिम - 2676]
नबी (सल्लल्लाहु अलैहि वसल्लम) ले अल्लाहलाई धेरै जिक्र (याद) गर्नेहरूको स्थान स्पष्ट पार्नुभएको छ । तिनीहरू स्वर्ग बगैंचामा उच्च स्थानहरू प्राप्त गर्नमा अरूभन्दा अगाडि र अद्वितीय छन् । उहाँले तिनीहरूलाई जुमदान पर्वतसँग तुलना गर्नुभयो जुन अन्य पहाडहरु भन्दा पृथक छ ।
हदीसका केही फाइदाहरू
- अत्यधिक जिक्र गर्नु र त्यसमा व्यस्त रहनु मुस्तहब हो, किनकि परलोकमा केवल इख्लास (इमान्दारिता) र आज्ञाकारिताले उच्च स्थान प्राप्त गर्न सकिन्छ ।
- अल्लाहको जिक्र जिब्रोले मात्र हुनसक्छ वा हृदयले मात्र हुनसक्छ वा जिब्रो र हृदय दुवैले एकसाथ गर्न सकिन्छ र यो उच्च दर्जा हो ।
- केही जिक्रहरू समयसँग जोडिएका छन् , जस्तैः बिहान र बेलुकाको अज्कार र फर्ज नमाजपछिको अज्कार इत्यादि ।
- इमाम नववी (रहिमहुल्लाहु) ले भनेका छन्: तस्बीह (सुब्हानल्लाह), तहलील (ला इलाह इल्लल्लाह), तहमीद (अल्हम्दु लिल्लाह) र तक्बीर (अल्लाहु अकबर) भन्नु र यस्तै कुरामा सीमित छैन, बरु प्रत्येक उपासना र आज्ञाकारीता अल्लाहको जिक्र हो ।
- अल्लाहको जिक्र (स्मरण) दृढता र अडिग रहनका लागि सबैभन्दा ठूलो कारण हो, अल्लाहले भन्नुभएको छ : "हे मोमिनहरू हो ! काफिरहरूको समूहसँग भीडन्त हुँदा अडिग रहने गर, अल्लाहलाई धेरै याद गर, ताकि तिमीहरू सफल हुनेछौ ।" [अल-अन्फाल: ४५]
- अल्लाहको जिक्र (स्मरण) गर्नेहरू र जुम्दान पर्वत बीचको तुलना अलग कुरा हो; जुम्दान पर्वत सम्पूर्ण पहाडहरूबाट अलग छ, त्यसैगरी अल्लाहको जिक्र (स्मरण) गर्नेहरू सबै मानिसहरू भन्दा अलग हुन्छन् । किनभने ऊ मानिसहरूको बीचमा भएपनि उसको हृदय र जिब्रोले अल्लाहको जिक्र गर्छ र मानिसहरूको भीडभाडबाट अलग भइ एकान्तमा बस्न रुचाउँछ । अर्को भनाइ के छ भने अल्लाहको जिक्र (स्मरण) नै धर्ममा दृढताको कारण हो जसरी पहाडहरू पृथ्वीको दृढताको कारण हुन् । वा यसको अर्थ भनेको दुनियाँ र आखिरतमा सत्कर्ममा अघि बढ्नु हो, जसरी मदिनाबाट मक्का जाने यात्री जुम्दान आइपुग्यो भने ऊ मक्का पुग्ने संकेत हो, त्यसैगरी जसले अल्लाहको जिक्र (स्मरण) गर्छ, ऊ अल्लाहको बारम्बार सम्झनाद्वारा अरू भन्दा अगाडि बढ्छ । वल्लाहु आअलम् (अल्लाह राम्रो जान्दछन्)
वर्गीकरण
थप
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: एक व्यक्तिले पाप गर्यो र भन्यो: हे अल्लाह! मेरो पापलाई क्षमा गर्नुहोस्
- हदीस: निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।
- हदीस: मृतकलाई गालीगलौज नगर, किनकि उनीहरू पहिले गरेका (राम्रा वा नराम्रा) कर्मतर्फ फर्किसकेका छन् ।”
- हदीस: “कुनै मान्छेको लागी आफ्नो भाइसँग तीन दिनभन्दा बढी बोलचाल बन्द राख्न जायज छैन । दुबै एक अर्कालाई भेट्छन् तर अर्कोतिर मुख फर्काएर बस्छन भने दुई मध्ये सबैभन्दा राम्रो त्यो हो जसले सलाम गर्नमा पहल गर्छ ।
- हदीस: सम्बन्ध तोड्ने व्यक्ति स्वर्गमा प्रवेश गर्ने छैन ।
- हदीस: अल्लाहको नजरमा सबैभन्दा घृणित व्यक्ति त्यो हो जो अत्यन्त झगडालु र सधैं विवादमा रहन्छ ।