فەرموودە: موفەریدەکان پێش کەوتن
عَنْ أَبِي هُرَيْرَةَ رضي الله عنه قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ يَسِيرُ فِي طَرِيقِ مَكَّةَ، فَمَرَّ عَلَى جَبَلٍ يُقَالُ لَهُ جُمْدَانُ، فَقَالَ: «سِيرُوا هَذَا جُمْدَانُ، سَبَقَ الْمُفَرِّدُونَ» قَالُوا: وَمَا الْمُفَرِّدُونَ يَا رَسُولَ اللهِ؟ قَالَ: «الذَّاكِرُونَ اللهَ كَثِيرًا وَالذَّاكِرَاتُ».
[صحيح] - [رواه مسلم] - [صحيح مسلم: 2676]
المزيــد ...
لە ئەبی هوڕەیڕەوە -ڕەزای خوای لێبێت- دەڵێت:
پێغەمبەری خودا -صلى الله علیه وسلم- دەڕۆیشت بەڕێگای مەككەدا ؛ تێپەڕبوو بە لای شاخێك پێی دەووترێت جومدان، فەرمووی: «ڕێ بكەن ئەمە جومدانە، موفەریدەکان پێش کەوتن»، ووترا: ئایا موفەریدەکان کێن، ئەی پێغەمبەری خودا؟ فەرمووی: «ئەو پیاو وئافرەتانەی کە زۆر یادی خوای گەورە دەکەن».
[صەحیحە] - [موسلیم گێڕاویەتیەوە] - [صحيح مسلم - 2676]
پێغەمبەر -صلى اللە علیە وسلم- پلەوپایەی ئەوانەی باسكرد كە زۆر یادی خوا دەكەن، وئەوان جیابوونەوە وپێشی خەڵكی كەوتن لە بەدەستهێنانی پلە بەرزەكان لە بەهەشتدا، وئەوانی چواند بە شاخی جومدان كە بەتەنها وجیایە ونەبەستراوەتەوە بە شاخەكانی تر.
لە سوودەکانی فەرموودەکە
- زۆر یادكردنی خواى گەورە وسەرقاڵبوون بەم كردەوەیە ؛ سوننەتە، پێشەنگی لە قیامەتدا بە پێی زۆری پەرستنەکان ودڵسۆزیە تێیاندا.
- یاد كردنی خوای گەورە دەكرێت تەنها بە زمان بێت، یان دەكرێت تەنها بە دڵ بێت، یان دەكرێت بە دڵ وزمان بێت ؛ ئەمەیان باشترینە وبەرزترین پلەی هەیە.
- بەشێك لە زیكری خوای گەورە ؛ ویردە شەرعیە سنووردارەكانن، وەكو زیكری بەیانیان وئێواران، وزیكرەكانی پاش نوێژە فەرزەكان وهتد.
- نەوەوی دەڵێت: بزانە فەزڵ وپلەوپایەی زیكر كردن نەبەستراوەتەوە بە ووتنی (سبحان الله والحمد لله والله أكبر) وهتد، بەڵكو هەركەسێك گوێڕایەڵی فەرمانەكانی الله بێت وجێبەجێیان بكات ؛ ئەوا یادی الله ی كردووە.
- یاد كردنی خوای گەورە ؛ لە گەورەترین هۆكارەكانە بۆ جێگیری ودامەزراو بوون لەسەر ڕێگای ڕاست، خوای گەورە -سبحانه وتعالی- دەفەرموێت: ﴿يَا أَيُّهَا الَّذِينَ آمَنُوا إِذَا لَقِيتُمْ فِئَةً فَاثْبُتُوا وَاذْكُرُوا اللَّهَ كَثِيرًا لَّعَلَّكُمْ تُفْلِحُونَ﴾ واتە: ﴿ئەی ئەوانەی کەباوەڕتان ھێناوە کاتێک (لەجەنگدا) لەگەڵ کۆمەڵێکدا ڕووبەڕوو بوونەوە خۆگربن (ھەڵنەیەن) و یادی خوا زۆر بکەن بۆ ئەوەی سەرکەوتووبن﴾ [الأنفال: 45].
- لێكچوون لەنێوان ئەوانەی یادی خودا دەكەن وشاخی جومدان، لە چەند ڕوانگەیەوە باسكراوە، لەوانەیش: 1/ شاخی جومدان جیاواز وتەنهایە ونەبەستراوەتەوە بە شاخەكانی تر، بەهەمان شێوە ئەوانەی زۆر یادی الله دەكەن ؛ جیاوازن لە خەڵكی تر، چونكە دڵ وزمانیان یەكلا كردووەتەوە بۆ یادی الله ئەگەرچیش لەنێو خەڵكیدا بن، وئاسوودەن لە كاتەكانی تەنها بوون وبە زۆر تێكەڵبوونی خەڵكی نائارام دەبن. 2/ زۆر یادكردنی الله هۆكارە بۆ جێگیربوون لەسە ئاین ؛ هەروەكو چۆن شاخەكان هۆكارن بۆ جێگیربوونی زەوی. 3/ ئەوەی زۆر یادی الله دەكات ؛ لە پێشەنگە بۆ گەیشتن بە خێرەكانی دونیا وقیامەت، هەروەكو چۆن جومدان نیشانەیە بۆ گەیشتن بە مەككە لەلای ئەو ڕێبوارەی لە مەدینەوە دێت بۆ مەككە، وئەوەی بگات بەم شاخە ئاماژەیە بۆئەوەی نزیكترینە لە مەككە، هەروەها ئەوانەی زۆر یادی الله دەكەن لە پێشەوەی خەڵكین بەهۆی زۆر یادكردنی الله، وخودا زاناترە.
پۆلێنکردنەکان
زیاتر
- فەرموودە: پێنج نوێژەکە، و ھەینی بۆ ھەینی، و ڕەمەزان بۆ رەمەزان، ھەموویان دەبنە ھۆی سڕینەوەی تاوان وگوناھەکانی نێوانیان، ئەگەر ھاتوو مرۆڤی موسڵمان خۆی بەدوور گرت لە تاوانە گەورەکان
- فەرموودە: بەندەیەک تاوانێکی کرد، و ووتی: ئەی خودا لە تاوانەکەم خۆش ببە، خوای گەورەی بەرز وپیرۆز فەرمووی: بەندەکەم تاوانێکی کرد وزانی کە پەروەردگارێکی هەیە کە لە تاوان خۆش دەبێت وسزا دەدات لە سەر تاوان
- فەرموودە: كەسانێک موڵكی خوای گەوره به ناهەق بەكاردەهێنن؛ ئەوا دۆزەخ بۆ ئەوانەیه له ڕۆژی قیامەتدا
- فەرموودە: جوێن بە مردووەکان مەدەن، چونکە ئەوان گەیشتن بەو کردەوانەی کە ئەنجامیاندا
- فەرموودە: ڕەوا نییە بۆ هیچ مسوڵمانێک کە قسە دابڕێت لە گەڵ برا مسوڵمانی بکات لە سەرووی سێ شەو، کاتێک بەیەک دەگەن؛ ئەم ڕوودەکات بەملاوە وئەویش ڕوودەکات بەولاوە، وچاکترینیان ئەوەیانە کە دەستپێشخەری دەکات لە سەلامکردن
- فەرموودە: ئەو کەسەی پەیوەندی خزمایەتی بپچڕێنێت ناچێتە بەهەشتەوە
- فەرموودە: ڕق لێبووترین پیاو لە لای خوای گەورەیە ئەوەیە زۆر وبەتوندی گفتوگۆ دەکات وملکەچ نابێت بۆ هەق لە گفتوگۆدا