হাদীছ: মুফাৰ্ৰিদূনসকলে অগ্ৰগামী হৈছে।
عَنْ أَبِي هُرَيْرَةَ رضي الله عنه قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ يَسِيرُ فِي طَرِيقِ مَكَّةَ، فَمَرَّ عَلَى جَبَلٍ يُقَالُ لَهُ جُمْدَانُ، فَقَالَ: «سِيرُوا هَذَا جُمْدَانُ، سَبَقَ الْمُفَرِّدُونَ» قَالُوا: وَمَا الْمُفَرِّدُونَ يَا رَسُولَ اللهِ؟ قَالَ: «الذَّاكِرُونَ اللهَ كَثِيرًا وَالذَّاكِرَاتُ».
[صحيح] - [رواه مسلم] - [صحيح مسلم: 2676]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, তেওঁ কৈছেঃ
ৰাছুলুল্লাহ চাল্লাল্লাহু আলাইহি অছাল্লামে এবাৰ মক্কাৰ পথেৰে গৈ থকাত এটা পাহাৰ গৈ পালে, যিটো পাহাৰৰ নাম আছিল জুমদান। তেখেতে ক'লেঃ "তোমালোকে আগুৱাই গৈ থাকা এইটো হৈছে জুমদান পাহাৰ। মুফাৰ্ৰিদূনসকলে অগ্ৰগামী হৈছে।" চাহাবাসকলে সুধিলেঃ হে আল্লাহৰ ৰাছুল! মুফাৰ্ৰিদূনসকল কোন? তেখেতে ক'লেঃ "আল্লাহক বেছি বেছি স্মৰণকাৰী নাৰী আৰু পুৰুষসকল।"
[ছহীহ] - [(মুছলিম)] - [ছহীহ মুছলিম - 2676]
হাদীছটোত নবী চাল্লাল্লাহু আলাইহি অছাল্লামে বেছি বেছি আল্লাহৰ জিকৰ-আজকাৰ কৰা লোকসকলৰ মৰ্যাদা বৰ্ণনা কৰিছে যে, তেওঁলোকে বেলেগৰ পৰা পৃথক হৈ জান্নাতত সুউচ্চ মৰ্যাদা অৰ্জনৰ ক্ষেত্ৰত অগ্ৰগামী হৈছে। তেখেতে এই বিষয়টোক জুমদান পাহাৰৰ সৈতে ৰিজাইছে, অৰ্থাৎ যিদৰে জুমদান পাহাৰ অন্যান্য পাহাৰতকৈ বেলেগ, ঠিক সেইদৰে জিকৰ-আজকাৰকাৰী লোকসকলো মৰ্যাদাৰ ক্ষেত্ৰত বেলেগ।
হাদীছৰ পৰা সংগৃহীত উপকাৰিতাসমূহ
- বেছি বেছি জিকৰ-আজকাৰত ব্যস্ত থকা মুস্তাহাব। কাৰণ আখিৰাতত অগ্ৰগামী হ'বলৈ হ'লে বেছি বেছি নেক আমল কৰিব লাগিব, আৰু নিষ্ঠা সহকাৰে নিৰ্ভেজালভাৱে ইবাদত কৰিব লাগিব।
- আল্লাহৰ স্মৰণ কেৱল মৌখিকভাৱেও হ'ব পাৰে, অথবা কেৱল আন্তৰিকভাৱেও হ'ব পাৰে, নাইবা মৌখিক আৰু আন্তৰিকভাৱে একেলগে হ'ব পাৰে, আনকি এইটোৱে সৰ্বোচ্চ ধাপ।
- চৰীয়ত সন্মত জিকৰ-আজকাৰবোৰ নিৰ্ধাৰিত তথা সীমাবদ্ধ। যেনে- পুৱা গধূলি পঢ়িবলগীয়া আজকাৰসমূহ, ফৰজ নামাজৰ পিছত পঢ়িবলগীয়া দুআসমূহ, ইত্যাদি।
- নাৱাৱী ৰাহিমাহুল্লাহে কৈছেঃ জানি থোৱা! জিকৰ-আজকাৰৰ ফজিলত কেৱল তাছবীহ তাহলীল তাহমীদ আৰু তাকবীৰৰ মাজতেই সীমাবদ্ধ নহয়। বৰং আল্লাহৰ আনুগত্য কৰা প্ৰতিটো আমলকাৰীয়ে হৈছে আল্লাহক স্মৰণকাৰী।
- জিকৰ-আজকাৰ হৈছে দ্বীনৰ ওপৰত অটল তথা অবিচল থকাৰ অন্যতম এটা ডাঙৰ উপায়। যেনে- মহান আল্লাহে কৈছেঃ (يَا أَيُّهَا الَّذِينَ آمَنُوا إِذَا لَقِيتُمْ فِئَةً فَاثْبُتُوا وَاذْكُرُوا اللَّهَ كَثِيرًا لَّعَلَّكُمْ تُفْلِحُونَ)
- হে মুমিনসকল! যেতিয়া তোমালোকে কোনো দলৰ সন্মুখীন হ’বা তেতিয়া অবিচল থাকিবা আৰু আল্লাহক বেছি পৰিমাণে স্মৰণ কৰিবা, যাতে তোমালোকে সফলতা লাভ কৰিব পাৰা। (ছুৰা আনফালঃ ৪৫)
- জিকৰ-আজকাৰকাৰী আৰু জুমদান পৰ্বতৰ মাজত সাদৃশ্য দিয়াৰ কাৰণ হৈছে, দুয়োটাই অকলশৰীয়া তথা পৃথক। জুমদান পৰ্বত যিদৰে অন্যান্য পৰ্বতৰ পৰা পৃথক, ঠিক সেইদৰে আল্লাহৰ জিকৰ-আজকাৰ কৰা লোকসকলো অন্যান্য লোকৰ পৰা পৃথক, কাৰণ তেওঁলোকে মানুহৰ মাজত অৱস্থান কৰিলেও তেওঁলোকৰ অন্তৰ আৰু জিভা সদায় জিকৰ-আজকাৰত ব্যস্ত থাকে। তেওঁলোকে নিৰ্জনতাক বেছি ভাল পায় আৰু মানুহৰ সৈতে বহি সময় নষ্ট কৰাক বৰ ভয় পায়। এই সাদৃশ্যতাৰ এইটোও এটা কাৰণ হ'ব পাৰে যে, জিকৰ-আজকাৰ হৈছে দ্বীনৰ ওপৰত অটল থকাৰ উপায়, যিদৰে পৰ্বত হৈছে পৃথিৱীক স্থিৰ ৰখাৰ উপায়। অথবা ইয়াৰ দ্বাৰা পৃথিৱী আৰু আখিৰাতত কল্যাণৰ ক্ষেত্ৰত অগ্ৰগামী হোৱাক বুজোৱা হৈছে, যিদৰে মদীনাৰ পৰা মক্কালৈ অহা ভ্ৰমণকাৰীয়ে জুমদান পৰ্বত পালে মক্কা পাইছে বুলি ভাবে, গতিকে তেওঁলোকৰ পূৰ্বে যিসকলে আহি এই স্থান পাইছে তেওঁলোকে অগ্ৰগামী হৈছে। ঠিক সেইদৰে আল্লাহৰ জিকৰ-আজকাৰ কৰা লোকসকলো অগ্ৰগামী অন্যান্য লোকসকলতকৈ। আল্লাহেই সৰ্বজ্ঞ।
শ্ৰেণীবিন্যাসসমূহ
অধিক
- হাদীছ: পাঁচ ওৱাক্ত চালাত, এটা জুমু‘আৰ পৰা আনটো জুমু‘আ তথা এটা ৰামাজানৰ পৰা আনটো ৰামাজান, এইবোৰ হৈছে সেইবোৰ গুনাহৰ কাফফাৰা যিবোৰ ইয়াৰ মধ্যৱৰ্তী সময়ত হৈ থাকে, যদিহে কবীৰা গুনাহৰ পৰা বিৰত থকা হয়।
- হাদীছ: কোনো বান্দাই যেতিয়া পাপকৰ্ম কৰাৰ পিছত কয়, ‘হে প্ৰতিপালক! তুমি মোৰ গুনাহ ক্ষমা কৰি দিয়া।’ তেতিয়া আল্লাহ তাবাৰকা অতাআলাই কয়, ‘মোৰ বান্দাই এটা পাপকৰ্ম কৰিছে, আৰু ইয়াৰ পিছত সি গম পাইছে যে, তাৰ এজন প্ৰতিপালক আছে, যিয়ে গুনাহ ক্ষমা কৰে আৰু শাস্তিও প্ৰদান কৰে।’
- হাদীছ: নিশ্চয় কিছুমান লোকে আল্লাহৰ সম্পদ অন্যায়ভাৱে ব্যয় কৰে। এতেকে সিহঁতৰ বাবে কিয়ামতৰ দিনা আছে জাহান্নামৰ জুই।
- হাদীছ: তোমালোকে মৃত লোকসকলক গালি নাপাৰিবা; কাৰণ সিহঁতে নিজৰ কৰ্মফলৰ ওচৰত উপনীত হৈছে।
- হাদীছ: কোনো মুছলিমৰ বাবেই বৈধ নহয় তাৰ ভাইৰ লগত তিনি দিনতকৈ অধিক সময় কথা-বতৰা বন্ধ ৰখা, অৰ্থাৎ যেতিয়া সিহঁতে পৰস্পৰে সাক্ষাৎ কৰে, তেতিয়া এজনে ইফালে মুখ ঘূৰাই লয় আৰু আনজনে সিফালে মুখ ঘূৰাই লয়। সিহঁত দুজনৰ মাজত উত্তম হৈছে সেই ব্যক্তি, যিয়ে প্রথমে ছালাম কৰিব।
- হাদীছ: আত্মীয়তাৰ বন্ধন বিচ্ছিন্নকাৰী জান্নাতত প্ৰৱেশ কৰিব নোৱাৰিব।
- হাদীছ: আল্লাহৰ ওচৰত আটাইতকৈ ঘৃণনীয় ব্যক্তি হৈছে সেইজন, যিজন কলহপ্ৰিয়।