ჰადისი: ო ალლაჰ, შენს შეგეფარები შენი სიკეთის დაკარგვისგან, შენი წყალობის ცვლილებისგან, შენი მოულოდნელი სასჯელისა და შენი ყოველი რისხვისგან

عَنْ عَبْدِ اللهِ بْنِ عُمَرَ رضي الله عنهما قَالَ: كَانَ مِنْ دُعَاءِ رَسُولِ اللهِ صَلَّى اللهُ عَلَيْهِ وَسَلَّمَ:
«اللهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ».
[صحيح] - [رواه مسلم] - [صحيح مسلم: 2739]

გადმოცემულია აბდულლაჰ იბნ უმარისგან (ალლაჰი იყოს მათი ორივეთი კმაყოფილი), რომ ალლაჰის შუამავლის (ალლაჰის ლოცვა და მშვიდობა მას) ვედრებიდანაა:
«ო ალლაჰ, შენს შეგეფარები შენი სიკეთის დაკარგვისგან, შენი წყალობის ცვლილებისგან, შენი მოულოდნელი სასჯელისა და შენი ყოველი რისხვისგან».
[სანდო (საჰიჰ)] - [გადმოსცა მუსლიმმა] - [საჰიჰ მუსლიმ - 2739]

განმარტება

მოციქულმა(ალლაჰის ლოცვა და მშვიდობა მას) თავშესაფარი ითხოვა ოთხი მდგომარეობისგან:
პირველი: ო ალლაჰ, ვეძებ შენთან თავშესაფარს შენი წყალობის დაკარგვისგან, იქნება ეს რელიგიური თუ ამქვეყნიური. გთხოვ, გამამტკიცო ისლამზე და დამიფარე იმ ცოდვებისგან, რომლებიც მოწყალებას აქრობენ.
მეორე: შენი წყალობის გადაქცევა განსაცდელად; გთხოვ, დამიცავი შენი წყალობის მუდმივობით და დამიფარე ტკივილებისგან და დაავადებებისგან.
მესამე: მოულოდნელი სასჯელი ან უბედურება; რადგან როდესაც სასჯელი და განსაცდელი მოულოდნელად და უეცრად მოდის, არ რჩება დრო მონანიებისა და გამოსწორებისთვის, რაც უბედურებას კიდევ უფრო მძიმეს და რთულს ხდის.
მეოთხე: და შენი რისხვის გამომწვევი ყველა მიზეზი; რადგან ვისზეც შენ განრისხდები, ის დაღუპული და წარუმატებელია.
მოციქულმა (ალლაჰის ლოცვა და მშვიდობა მას) გამოიყენა სიტყვების ერთობლიობა, რათა მოიცავდეს უზენაესი ალლაჰის რისხვის ყველა მიზეზს — იქნება ეს სიტყვები, ქმედებები თუ რწმენები,

ჰადისის სარგებლობიდან

1. მოციქულის (ალლაჰის ლოცვა და მშვიდობა მას) სრული დამოკიდებულება უზენაეს ალლაჰზე.
2. ეს ნეტარი ლოცვა დაცვის შესახებ მოიცავს თხოვნას, რომ ალლაჰმა მიგვცეს წარმატება მადლიერების გამოხატვაში და დაგვიცვას ცოდვებისგან, რომლებიც ხდებიან ამ მადლის დაკარგვის მიზეზი.
3. შეცდომებისგან თავის არიდებისადმი გულმოდგინება და უზენაესი ალლაჰის რისხვის მიზეზებისგან გაშორება.
4. მოციქულმა (ალლაჰის ლოცვა და მშვიდობა მას) თავშესაფარი ითხოვა უზენაესი ალლაჰის მოულოდნელი სასჯელისგან, რადგან როცა ის დასჯის თავის მონას, მას დაატყდება ისეთი განსაცდელი, რომლისგანაც ვერავინ იხსნის და ვერც ყველა ქმნილების გაერთიანებით შეძლებს მისი თავიდან აცილებას.
5. მოციქულმა (ალლაჰის ლოცვა და მშვიდობა მას) თავშესაფარი ითხოვა უზენაესი ალლაჰის წყალობის შეცვლისგან, რადგან როდესაც ალლაჰი ადამიანს წყალობით ამდიდრებს, ის ორივე სამყაროს სიკეთეს მოიპოვებს. ხოლო თუ ეს წყალობა მოეშლება, მას ორივე სამყაროს ბოროტება დაატყდება. რადგან წყალობაა ის, რაც უზრუნველყოფს როგორც რელიგიის, ისე ამქვეყნიური ცხოვრების სიმტკიცეს.