ჰადისი: ო ალლაჰ, შენთან ვეძებ თავშესაფარს ვალის მძიმე ტვირთისგან, მტრებთან დამარცხებისგან და მათი სიხარულისგან ჩემი უბედურების გამო

عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ كَانَ يَدْعُو بِهَؤُلَاءِ الْكَلِمَاتِ:
«اللَّهُمَّ إِنِّي أَعُوذُ بِكَ مِنْ غَلَبَةِ الدَّيْنِ، وَغَلَبَةِ الْعَدُوِّ، وَشَمَاتَةِ الْأَعْدَاءِ».
[صحيح] - [رواه النسائي وأحمد] - [سنن النسائي: 5475]

აბდულლაჰ იბნ ამრ იბნ ალ-ას (ალლაჰი იყოს მისით კმაყოფილი) გადმოსცემს, რომ ალლაჰის მოციქული (ალლაჰის ლოცვა და მშვიდობა მას) ამ სიტყვებით ევედრებოდა:
«ო ალლაჰ, შენთან ვეძებ თავშესაფარს ვალის მძიმე ტვირთისგან, მტრებთან დამარცხებისგან და მათი სიხარულისგან ჩემი უბედურების გამო».
[სანდო (საჰიჰ)] - [გადმოსცა ალ-ნასაიმ და აჰმადმა] - [სუნან ალ-ნასაიი - 5475]

განმარტება

მოციქულმა (ალლაჰის ლოცვა და მშვიდობა მას) თავშესაფარი ითხოვა ამ მდგომარეობებისგან:
პირველი: ო ალლაჰო, შენთან ვეძებ თავშესაფარს და შენზე ვამყარებ ჩემს იმედს, არა ვინმეზე, არამედ მხოლოდ შენზე, ვალის მძიმე ტვირთისგან, მისი ზეწოლის, შეშფოთებისა და სირთულისგან, გთხოვ, დამეხმარო მის დაფარვასა და გასწორებაში.
მეორე: (მტრებთან დამარცხებისგან) მათი ზეწოლისა და ძალმომრეობისგან. გთხოვ, დამიცავი მათი ზიანისგან და მომმადლე გამარჯვება მათზე.
მესამე: (მტრების სიხარულისგან) იმ უბედურებებისა და განსაცდელის გამო, რაც მუსლიმებს ადგებათ.

ჰადისის სარგებლობიდან

1. მოწოდება ალლაჰთან თავშესაფრის ძიებისკენ ყველაფრისგან, რაც აფერხებს მორჩილებას და იწვევს წუხილს, როგორიცაა ვალი და სხვა მსგავსები.
2. ზოგადად აღებული ვალი პრობლემა არ არის; პრობლემა იქმნება მაშინ, როდესაც ადამიანი ვერ შეძლებს ვალის გასტუმრებას. სწორედ ეს არის მძიმე და დამთრგუნველი ვალი.
3. ადამიანი უნდა მოერიდოს ისეთ საქმეებს, რომლებიც იწვევენ მის დაცინვას ან დაწუნვას.
4. ურწმუნოთა მტრობა მორწმუნეებისადმი და მათი სიხარული მორწმუნეებს თავს დამტყდარი უბედურებების გამო.
5. მტრების მიერ ადამიანის უბედურებაზე სიხარულის გამოხატვა თავად უბედურებას კიდევ უფრო ამძიმებს.