Hadiis: M Soab A Wẽnde, m kot-F-la gũudum n yi samd wilbu, la bε wilbu, la bεεb laada

عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ كَانَ يَدْعُو بِهَؤُلَاءِ الْكَلِمَاتِ:
«اللَّهُمَّ إِنِّي أَعُوذُ بِكَ مِنْ غَلَبَةِ الدَّيْنِ، وَغَلَبَةِ الْعَدُوِّ، وَشَمَاتَةِ الْأَعْدَاءِ».
[صحيح] - [رواه النسائي وأحمد] - [سنن النسائي: 5475]

Yii a ʿAbdʋllaah ɭbn ʿAmr ɭbn Al-ʿaaṣ nengẽ, (Wẽnd yard be b yiibã yĩnga), tɩ Wẽnd Tẽn-tʋʋm, (Wẽnd pʋʋsg la A tɩlgr be a yĩnga) rag n yɩɩme n kot ne goam-kãensã:
«M Soab A Wẽnde, m kot-F-la gũudum n yi samd wilbu, la bε wilbu, la bεεb laada».
[Naṣʋn Ṣahɩɩhʋn (Gom-sikdem sẽn manege)] - [A An-nasaa'ɩy la a Ahmad n togs-a] - [Sunan An-nasaa'ɩy - 5475]

bilgrã

Nabiyaamã (Wẽnd pʋʋsg la A tɩlgr be a yĩngɑ) kosa Wẽnd gũudum n yi yεla:
Rẽenemã: (M Soab A Wẽnde, m kot-F-la gũudum) la m lebsd m menga Fo nengẽ, ka zẽng sẽn ka Foom, (n yi samd wilbu) la a modgre la a yɩɩgre la a pεta, la m kot-F sõngre sẽn na yɩl n paam n yao samdã.
Yiib soabã: (la bε wilbu) la a modgre la a weoogre, la m kot-F-la gũudum tɩ F tus a nangã n bas-ma, la m tõog-a.
Tãab soabã: (la bεεb laada) la b sũ-noogr maaneg ne masɩɩb sẽn paam lɩslaamã.

Sẽn be Hɑdiisã yõod-rãmbẽ

1. Hadiisã kengdame tɩ b kos Wẽnd gũudun n yi bũmb fãa sẽn maan soagl n yit tũudmã la a wat ne yɩɩgre, wala samde la zẽng sẽn ka rẽ.
2. Samd mengã yell ka a pʋgẽ ye, la yellã yaa ned ning sẽn ka tara n na n yao samdã, yẽnda la samdã sẽn wilã.
3. Ninsaal sõmb n zãaga a meng ne yεl nins b sẽn tõe tʋ-a ne-a la b zang-a ne-a.
4. Wilgda kɩfr-rãmbã beemã sẽn be ne sɩd-kõtbã la b sẽn tʋʋd-ba masɩɩb-rãmbã paoong sasa.
5. Bεεbã sẽn vẽnegd b sũ-noog ne ninsaalã tɩ yell sã n paam-a, a namesda neda n yɩɩd yellã mengã.