Ḥadīth: Allāhumma innī a`ūdhu bika min ghalabati -ddayni wa-ghalabati -l`adūwi wa-shamātati -l'a`dā'. (O Allāh, tunay na ako ay nagpapakupkop sa Iyo laban sa pananaig ng utang, pananaig ng kaaway, at pagkagalak ng mga kaaway.)"}

عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ كَانَ يَدْعُو بِهَؤُلَاءِ الْكَلِمَاتِ:
«اللَّهُمَّ إِنِّي أَعُوذُ بِكَ مِنْ غَلَبَةِ الدَّيْنِ، وَغَلَبَةِ الْعَدُوِّ، وَشَمَاتَةِ الْأَعْدَاءِ».
[صحيح] - [رواه النسائي وأحمد] - [سنن النسائي: 5475]

Ayon kay `Abdullāh bin `Amr bin Al-`Āṣṣ (malugod si Allāh sa kanilang dalawa): {Ang Sugo ni Allāh noon (basbasan siya ni Allāh at pangalagaan) ay dumadalangin sa pamamagitan ng mga pangungusap na ito:
"Allāhumma innī a`ūdhu bika min ghalabati -ddayni wa-ghalabati -l`adūwi wa-shamātati -l'a`dā'. (O Allāh, tunay na ako ay nagpapakupkop sa Iyo laban sa pananaig ng utang, pananaig ng kaaway, at pagkagalak ng mga kaaway.)"}
[Tumpak] - [Nagsalaysay nito sina Imām An-Nisaiy at Imām Aḥmad] - [Sunan An-Nasā'īy - 5475]

Ang Pagbibigay-linaw

Humiling ng pagkupkop ang Propeta (basbasan siya ni Allāh at pangalagaan) laban sa ilang bagay:
1. "Allāhumma innī a`ūdhu (O Allāh, tunay na ako ay nagpapakupkop)," dumudulog, at nagpapakanlong "bika (sa Iyo)" hindi sa iba sa Iyo "min ghalabati -ddayni (laban sa pananaig ng utang)" panggagapi nito, bagabag nito, at pighati nito, at humihingi sa Iyo ng pagtulong sa pagtapos dito at pagbabayad nito.
2. "wa-ghalabati -l`adūwi" (pananaig ng kaaway)," panggagapi nito, at paghahari nito. Humihiling ako sa Iyo ng pagpigil sa perhuwisyo niya at pagwawagi laban sa kanya.
3. "wa-shamātati -l'a`dā' (at pagkagalak ng mga kaaway) at pagkatuwa nila sa anumang dumadapo sa mga Muslim na pagsubok at kasawiang-palad.

Ang mga Katuturan ng Ḥadīth

1. Ang paghimok sa pagpapakakupkop kay Allāh laban sa anumang umaabala sa pagtalima at humahatak ng mga alalahanin gaya ng utang at iba pa rito.
2. Ang payak na pagkakaroon ng utang ay walang kaasiwaan dito. Ang kaasiwaan lamang ay sa sinumang walang pagtupad sa pagbabayad ng utang. Ito ay ang kadalasang nangyari sa utang.
3. Ang tao ay kailangan na umiwas sa mga bagay na ikagagalak ng kaaway at ikapipintas niya.
4. Ang paglilinaw sa pangangaway ng mga tagatangging sumampalataya sa mga mananampalataya at ang kagalakan ng mga ito sa sandali ng pagdapo sa kanila ng mga kasawiang-palad.
5. Ang paglalantad ng mga kaaway ng pagkatuwa ng mga ito sa kasawian ng tao ay minamasama ng tao nang higit sa mismong kasawian.