हदीस: हे अल्लाह! म ऋणको प्रभुत्व, शत्रुको प्रभुत्व र दुःखमा शत्रुहरूको खुशीबाट तपाईंमा शरण चाहन्छु।

عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ كَانَ يَدْعُو بِهَؤُلَاءِ الْكَلِمَاتِ:
«اللَّهُمَّ إِنِّي أَعُوذُ بِكَ مِنْ غَلَبَةِ الدَّيْنِ، وَغَلَبَةِ الْعَدُوِّ، وَشَمَاتَةِ الْأَعْدَاءِ».
[صحيح] - [رواه النسائي وأحمد] - [سنن النسائي: 5475]

अब्दुल्लाह बिन अम्र (रजियल्लाहु अन्हुमा) ले वर्णन गरेका छन् : अल्लाहका रसूल (सल्लल्लाहु अलैहि व सल्लम) यी वाक्यहरूका साथ दुआ गर्नु हुन्थ्यो :
"हे अल्लाह! म ऋणको प्रभुत्व, शत्रुको प्रभुत्व र दुःखमा शत्रुहरूको खुशीबाट तपाईंमा शरण चाहन्छु।"
[सही] - [निसाई र अहमदले वर्णन गरेका छन्] - [सुनन् निसाई - 5475]

व्याख्या

नबी (सल्लल्लाहु अलैहि व सल्लम) ले निम्न उल्लेखित कुराहरूबाट शरण माग्नु भएको छ :
१- "हे अल्लाह, म ऋणको बोझबाट तपाईंमा शरण चाहन्छु।" हे अल्लाह, म ऋणको दबाब, बोझ, दुःख र चिन्ताबाट तपाईंमा मात्र शरण चाहन्छु। म यसलाई तिर्न सक्षम हुन तपाईंको मद्दत चाहन्छु।
२- "शत्रुको विजय।" शत्रुको क्रोध र प्रभुत्वबाट। म प्रार्थना गर्छु, उसको अत्याचार र उत्पीडन रोक्नु होस् र मलाई उसमाथि विजय प्रदान गर्नुहोस्।
३- "शत्रुहरूको खुशी।" मुस्लिमहरूमाथि आइपरेको विपत्ति र कठिनाइमा शत्रुहरूको खुशीबाट।

हदीसका केही फाइदाहरू

1. ऋण आदि जस्ता असल कामबाट विमुख गर्ने र दुःख र शोक निम्त्याउने सबै कुराहरूबाट अल्लाहको शरण लिन प्रोत्साहन।
2. सामान्य ऋणमा कुनै अप्ठ्यारो छैन। तर अप्ठ्यारो त्यहाँ हुन्छ, जहाँ ऋण चुक्ता गर्ने क्षमता हुँदैन। यस्तो ऋण नै भारी र समस्याजनक हुन्छ।
3. मान्छेले ती कुराहरूबाट टाढा रहनु पर्छ जसमा उसलाई हाँसोको विषय बनाइन्छ र आलोचना गरिन्छ ।
4. मुमिनहरूप्रति काफिरेहरूको शत्रुता र विपत्ति आइपर्दा उनीहरूको आनन्दको विवरण।
5. समस्याको समयमा, शत्रुहरूको हाँसोले झन् पीडा थपिन्छ।