Hadithi: ALLAHUMA AUDHUBIKA MIN ZAWAALI NI’IMATIKA, WA TAHAWULI A’AFIYATIKA, WA FUJA-ATA NIََQ'MATIKA, WA JAMI-I SAKHATWIKA: Mana Nyagasani nkwikinzeho ngo undinde gushirirwa n’inema zawe, no guhinduka njya mu buzima bubi, no gutungurwa n’ibihano byawe, n’ibyo ari byo byose byatuma undakarira

عَنْ عَبْدِ اللهِ بْنِ عُمَرَ رضي الله عنهما قَالَ: كَانَ مِنْ دُعَاءِ رَسُولِ اللهِ صَلَّى اللهُ عَلَيْهِ وَسَلَّمَ:
«اللهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ».
[صحيح] - [رواه مسلم] - [صحيح مسلم: 2739]

Hadith yaturutse kwa Abdullah Ibun Umar (Iman imwishimire we na se) yaravuze ati: Bumwe mu busabe Intumwa y'Imana (Imana iyihe amahoro n'imigisha) yajyaga isaba ni ubugira buti:
"ALLAHUMA AUDHUBIKA MIN ZAWAALI NI’IMATIKA, WA TAHAWULI A’AFIYATIKA, WA FUJA-ATA NIََQ'MATIKA, WA JAMI-I SAKHATWIKA: Mana Nyagasani nkwikinzeho ngo undinde gushirirwa n’inema zawe, no guhinduka njya mu buzima bubi, no gutungurwa n’ibihano byawe, n’ibyo ari byo byose byatuma undakarira."
[Hadithi y'impamo] - [Yakiriwe na Muslim] - [Swahih Muslim - 2739]

Ibisobanuro birambuye.

Intumwa y'Imana (Imana iyihe amahoro n'imigisha) yikinze kuri Allah ngo ayirinde ibintu bine:
Icya mbere: ALLAHUMA AUDHUBIKA MIN ZAWAALI NI’IMATIKA: Mana Nyagasani nkwikizeho ngo undinde gushirirwa n’inema zawe hano ku isi no ku munsi w'imperuka, kandi umpe gushikama ku idini, no kwitandukanya n'ibyaha byirukana ingabire zawe.
Icya kabiri: WA TAHAWULI A’AFIYATIKA: No guhinduka njya mu buzima bubi, n'ibigeragezo, ku bw'ibyo ndagusaba ingabire zihoraho, no kurokoka ububabare n'uburwayi bwose.
Icya gatatu: WA FUJA-ATA NIQ'MATIKA: No gutungurwa n’ibihano byawe, n'ibindi bigeragezo cyane cyane ibingezeho bintunguye nta gihe mfite cyo kwicuza no kwigarura. Kandi ibyo bigeragezo bikaza bihambaye.
Icya kane: WA JAMI-I SAKHTWIKA: Ndetse n’ibindi ibyo ari byo byose byatuma undakarira, kubera ko uwo urakariye, aba abaye umunyagihombo.
Aha Intumwa y'Imana (Imana iyihe amahoro n'imigisha) yabivuze mu bwinshi, kugira ngo abe avuzemo impamvu zose ziganisha ku burakari bwa Allah byaba mu mvugo cyangwa se ibikorwa cyangwa se n'iyindi myemerere.

Zimwe mu nyungu dukura muri Hadithi.

1. Intumwa y'Imana (Imana iyihe amahoro n'imigisha) igaragaza ko yari icyeneye Allah.
2. Kwikinga kuri Allah hakubiyemo gushobozwa no gushimira ingabire za Allah, no kwirinda gukora ibyaha, kuko ari byo byirukana ingabire za Allah.
3. Gushishikarira kwirinda ibyo ari byo byose byakugeza ku kurakarirwa na Allah.
4. Intumwa y'Imana (Imana iyihe amahoro n'imigisha) yajyaga yikinga kuri Allah ngo imurinde uburakari bwe, kubera ko naramuka ahannye umugaragu we, azagerwaho n'ibihano n'ibyago adashobora kurokoka, ndetse atanarokorwa n'icyo ari cyo cyose mu biremwa, kabone n'iyo cyakishyira hamwe.
5. Intumwa y'Imana (Imana iyihe amahoro n'imigisha) yajyaga yikinga kuri Allah ngo ayirinde guhinduka k'ubuzima ibayemo, kubera ko niba Allah yaramuhaye umwihariko w'ubuzima ibayemo, yaamuhaye ibyiza byo mu isi no ku munsi w'imperuka. Biramutse bihindutse yaba agezweho n'ibyago hano ku isi no ku munsi w'imperuka, kubera ko ubuzima bwiza ari ho hubakiye gutungana ku isi no ku munsi w'imperuka.