हदीस: जसले राम्रोसँग वुजू गर्छ र त्यसपछि तनमनका साथ उभिएर दुई रकात नमाज पढ्छ, उसको लागि स्वर्ग अनिवार्य हुन्छ ।
عَنْ عُقْبَةَ بْنِ عَامِرٍ رضي الله عنه قَالَ: كَانَتْ عَلَيْنَا رِعَايَةُ الْإِبِلِ فَجَاءَتْ نَوْبَتِي فَرَوَّحْتُهَا بِعَشِيٍّ فَأَدْرَكْتُ رَسُولَ اللهِ صَلَّى اللهُ عَلَيْهِ وَسَلَّمَ قَائِمًا يُحَدِّثُ النَّاسَ فَأَدْرَكْتُ مِنْ قَوْلِهِ:
«مَا مِنْ مُسْلِمٍ يَتَوَضَّأُ فَيُحْسِنُ وُضُوءَهُ، ثُمَّ يَقُومُ فَيُصَلِّي رَكْعَتَيْنِ، مُقْبِلٌ عَلَيْهِمَا بِقَلْبِهِ وَوَجْهِهِ، إِلَّا وَجَبَتْ لَهُ الْجَنَّةُ» قَالَ فَقُلْتُ: مَا أَجْوَدَ هَذِهِ، فَإِذَا قَائِلٌ بَيْنَ يَدَيَّ يَقُولُ: الَّتِي قَبْلَهَا أَجْوَدُ، فَنَظَرْتُ فَإِذَا عُمَرُ قَالَ: إِنِّي قَدْ رَأَيْتُكَ جِئْتَ آنِفًا، قَالَ: «مَا مِنْكُمْ مِنْ أَحَدٍ يَتَوَضَّأُ فَيُبْلِغُ - أَوْ فَيُسْبِغُ - الْوَضُوءَ ثُمَّ يَقُولُ: أَشْهَدُ أَنْ لَا إِلَهَ إِلَّا اللهُ وَأَنَّ مُحَمَّدًا عَبْدُ اللهِ وَرَسُولُهُ إِلَّا فُتِحَتْ لَهُ أَبْوَابُ الْجَنَّةِ الثَّمَانِيَةُ يَدْخُلُ مِنْ أَيِّهَا شَاءَ».
[صحيح] - [رواه مسلم] - [صحيح مسلم: 234]
المزيــد ...
उक्बह बिन आमिर (रजियल्लाहु अन्हु) ले बयान गरेका छन्, हामीले पालैपालो ऊँटहरू चराउनुपर्ने थियो । जब मेरो पालो आयो र साँझ मैले ऊँटहरूलाई फिर्ता ल्याएँ, मैले रसूल (सल्लल्लाहु अलैहि वसल्लम) ले मानिसहरूलाई उभिएर हदीस भन्दै गरे सुने :
"जसले राम्रोसँग वुजू गर्छ र त्यसपछि तनमनका साथ उभिएर दुई रकात नमाज पढ्छ, उसको लागि स्वर्ग अनिवार्य हुन्छ ।" उनी भन्छन्, मैले भनेँ: यो कति राम्रो कुरा हो! यो सुनेर एक व्यक्तिले मलाई भन्यो: यसभन्दा पहिले भनिएका कुराहरू यो भन्दा झन् राम्रा थिए । मैले उता हेर्दा उनी उमर (रजियल्लाहु अन्हु) थिए । उनले भने: मैले तिमीलाई भर्खरै प्रवेश गरेको देखेको थिएँ । नबी (सल्लल्लाहु अलैहि वसल्लम) ले भन्नुभयो: "तिमीहरू मध्ये जसले पूर्ण रूपमा वुजू गर्छ र त्यसपछि: ‘अश्हदु अल्ला इलाह इल्लल्लाहु व अन्न मुहम्मदन् अब्दुल्लाहि व रसूलुह्’ भन्छ, उसको लागि स्वर्गका सबै आठ ढोकाहरू खोलिनेछन् र उसले चाहेको ढोकाबाट प्रवेश गर्न सक्छ ।"
[सही] - [मुस्लिमले वर्णन गरेका छन्] - [सही मुस्लिम - 234]
नबी (सल्लल्लाहु अलैहि वसल्लम) ले मानिसहरूसँग कुरा गर्दा दुई महान गुणहरू बताउनुभयो:
पहिलो: जसले सुन्नत अनुसार राम्रोसँग वुजू गर्छ र प्रत्येक अंगलाई आवश्यकता अनुसार पानी हाल्छ अनि त्यसपछि भन्छ: ‘अश्हदु अल्ला इलाह इल्लल्लाहु व अन्न मुहम्मदन् अब्दुल्लाहि व रसूलुह्’; उसको लागि स्वर्गका सबै आठवटा ढोकाहरू खोलिनेछन् र उसले चाहेको ढोकाबाट प्रवेश गर्न सक्छ ।"
दोस्रो: जसले पूर्ण तरिकाले वुजू गर्छ, त्यसपछि इख्लास (इमानदारी) र खुशूअ (नम्रता) का साथ उभिएर दुई रकात नमाज पढ्छ र आफ्नो अनुहार तथा शरीरका सबै अंगहरू परमेश्वरमा समर्पित गर्छ; उसको लागि स्वर्ग अनिवार्य हुन्छ ।
हदीसका केही फाइदाहरू
- सानो कामप्रति ठूलो इनाम दिनु अल्लाहले ठूलो कृपा हो ।
- राम्रोसँग पूर्ण तरिकाले वुजू गर्ने र त्यसपछि नम्रताका साथ दुई रकात नमाज पढ्ने वैधानिकता र यसबाट प्राप्त हुने ठूलो इनामको वर्णन ।
- राम्रोसँग वुजू गरेपछि उक्त दुआ पढ्नु स्वर्गमा प्रवेश गर्ने कारणहरू मध्ये एक हो ।
- स्नान गर्नेले पनि यो दुआ पढ्नु मुस्तहब हो ।
- सहाबाहरू राम्रो काम गर्न, ज्ञान सिक्न र फैलाउन र यसमा सहयोग गर्न र उनीहरुको जीविकोपार्जनमा मद्दत गर्न उत्सुक हुन्थे ।
- जसरी वुजूले शरीरलाई फोहोर आदिबाट शुद्ध पार्छ, त्यसरी नै वुजूपछिको दुआले हृदयलाई बहुदेववादबाट शुद्ध पार्छ ।