Hadiis: Lɩslaam ka be, sẽn na n yõg koom, n maneg a koomã yõbgo, rẽ poorẽ t'a yik n pʋʋs Rakaar a yiibu, n ning a toaag ne rakaar yiibã, rẽndame tɩ arzãnã yɩ waagib ne-a

عَنْ عُقْبَةَ بْنِ عَامِرٍ رضي الله عنه قَالَ: كَانَتْ عَلَيْنَا رِعَايَةُ الْإِبِلِ فَجَاءَتْ نَوْبَتِي فَرَوَّحْتُهَا بِعَشِيٍّ فَأَدْرَكْتُ رَسُولَ اللهِ صَلَّى اللهُ عَلَيْهِ وَسَلَّمَ قَائِمًا يُحَدِّثُ النَّاسَ فَأَدْرَكْتُ مِنْ قَوْلِهِ:
«مَا مِنْ مُسْلِمٍ يَتَوَضَّأُ فَيُحْسِنُ وُضُوءَهُ، ثُمَّ يَقُومُ فَيُصَلِّي رَكْعَتَيْنِ، مُقْبِلٌ عَلَيْهِمَا بِقَلْبِهِ وَوَجْهِهِ، إِلَّا وَجَبَتْ لَهُ الْجَنَّةُ» قَالَ فَقُلْتُ: مَا أَجْوَدَ هَذِهِ، فَإِذَا قَائِلٌ بَيْنَ يَدَيَّ يَقُولُ: الَّتِي قَبْلَهَا أَجْوَدُ، فَنَظَرْتُ فَإِذَا عُمَرُ قَالَ: إِنِّي قَدْ رَأَيْتُكَ جِئْتَ آنِفًا، قَالَ: «مَا مِنْكُمْ مِنْ أَحَدٍ يَتَوَضَّأُ فَيُبْلِغُ - أَوْ فَيُسْبِغُ - الْوَضُوءَ ثُمَّ يَقُولُ: أَشْهَدُ أَنْ لَا إِلَهَ إِلَّا اللهُ وَأَنَّ مُحَمَّدًا عَبْدُ اللهِ وَرَسُولُهُ إِلَّا فُتِحَتْ لَهُ أَبْوَابُ الْجَنَّةِ الثَّمَانِيَةُ يَدْخُلُ مِنْ أَيِّهَا شَاءَ».
[صحيح] - [رواه مسلم] - [صحيح مسلم: 234]

Yii a ʿƲƙbat ɭbn ʿAamir nengẽ (Wẽnd yard be a yĩnga) a yeelame: tõnd da tara yʋgmã gũubu, tɩ mam raarã wa ta, tɩ mam kẽng zaabre n tɩ mik Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yaa sẽn yãs n gomd ne nebã, tɩ mam paam a goamẽ wã:
«Lɩslaam ka be, sẽn na n yõg koom, n maneg a koomã yõbgo, rẽ poorẽ t'a yik n pʋʋs Rakaar a yiibu, n ning a toaag ne rakaar yiibã, rẽndame tɩ arzãnã yɩ waagib ne-a». A yeelame: "m yeele: bũmb ka be t'a sõmblem yɩɩ wãnde ye", la yεt sẽn be mam taoorã yeel yã: "bũmb ning sẽn reng-a wã n yɩɩd sõmble", tɩ mam ges a ʿƲmar sẽn yeele: ad mam yãame tɩ fo waa masa, a yeelame: «Yãmb ned ka be, n na n yõg koom n taas a koomã yõgbã, rẽ poorẽ n yeele "Ashadʋ anlaa-ɩlaaha ɩllallaahʋ, wa anna Mʋhammadan Abduhuu wa rasʋʋlʋhʋʋ= M maanda kaset tɩ soab sɩd-sɩd ka be, tɩ sã n pa Wẽnde, la m maand kaset t'a Mʋhammad yaa Wẽnd yamba la A Tẽn-tʋʋma" rẽndame tɩ pak n kõ-a arzãn ragnoy a nii wã, t'a kẽ zĩig ninga a sẽn rate».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 234]

bilgrã

Nabiyaamã (Wẽnd pʋʋsg la A tɩlgr be a yĩnga) a welgame n togs nebã yɩɩdlem a yiib sẽn yaa zɩsdo:
Rẽenemã: tɩ ad ned sẽn yõg koom n maneg a koomã yõgbã, n pids-a a Sunnah nengã, n kõ yĩn-will fãa a hakε koomẽ wã, rẽ poorẽ n yeele "Ashadʋ anlaa-ɩlaaha ɩllallaahʋ, wa anna Mʋhammadan Abduhuu wa rasʋʋlʋhʋʋ= M maanda kaset tɩ soab sɩd-sɩd ka be, tɩ sã n pa Wẽnde, la m maand kaseto t'a Mʋhammad yaa Wẽnd yamba la A Tẽn-tʋʋma" rẽndame tɩ pak n kõ-a arzãn ragnoy a nii wã, t'a kẽ zĩig ninga a sẽn rate.
Yiib soaba: lɩslaam ka be, sẽn na n yõg ko-kãngã, sẽn pidã, rẽ poorẽ t'a yik n pʋʋs Rakaar a yiibu, n rɩk a sũurã n tees b yiibã ne pʋ-peelem, la Wẽnd zoeere, la a gãneg a nengã la a yĩngã wilã gilli ne Wẽnde rẽndame tɩ arzãnã yɩ waagib ne-a.

Sẽn be Hɑdiisã yõod-rãmbẽ

1. Wẽnd yɩɩdlemã zɩslem (A Naam zẽk yã) ne A sẽn kõt keoor bedre tɩ yaa tʋʋm bilf yaoodo.
2. Wilgda lɩslaangã sẽn sagl tɩ b pids koomã yõgbo, la b maan rakaar a yiib Pʋʋsg a poorẽ, lɑ b bũmb ning b sẽn paamd ɑ pʋgẽ sẽn yaa keoor sẽn zɩse.
3. Koomã yõgb pisdgã, la do-kãngã yeelg a poorẽ wã, a naaga arzãnã kõom sabab-rãmbã.
4. Yaa b sẽn bʋ nonglem yεsa tɩ ned sẽn so koom yeel do-kãngã.
5. Yaa Ṣahaabsã sẽn tar yã-beed ne yel-sõmde, sẽn yi bãngrã karengo la a sẽegre, la b sẽn sõngd taaba b vɩɩmã yεlẽ.
6. Zɩkrã maaneg koomã yõgb poorẽ, be a pʋgẽ sẽn yaa sũurã sẽdgr la a yɩlgre n yi lagem-n-taare, yaa wala sẽn be koomã yõgbã sẽn yaa yĩng yɩlgr la sẽdgr n yi rẽgdã.