Pagpapanibago: Ang paghahalintulad sa umaalaala sa Panginoon niya at hindi umaalaala sa Panginoon niya ay tulad ng buhay at patay.

عن أبي موسى الأشعري رضي الله عنه عن النبي صلى الله عليه وسلم قال: «مثل الذي يذكر ربه والذي لا يذكره مثل الحي والميت» وفي رواية: «مثل البيت الذي يُذْكَرُ الله فيه، والبيت الذي لا يُذْكَرُ الله فيه، مثل الحيِّ والميِّت».
[صحيح] - [متفق عليه]

Ayon kay Abū Mūsā Al-Ash`arīy, malugod si Allāh sa kanya, ayon sa Propeta, pagpalain siya ni Allāh at pangalagaan, na nagsabi: "Ang paghahalintulad sa umaalaala sa Panginoon niya at hindi umaalaala sa Panginoon niya ay tulad ng buhay at patay." Sa isang sanaysay: "Ang paghahalintulad sa bahay na inaalaala si Allāh sa loob nito at bahay na hindi inaalaala si Allāh sa loob nito ay tulad ng buhay at patay."
Tumpak. - Napagkaisahan ang katumpakan.

Ang pagpapaliwanag

Ang kahulugan ng ḥadīth: Ang umaalaala kay Allāh, pagkataas-taas Niya, ay binuhay nga ni Allāh ang puso nito sa pamamagitan ng pag-alaala sa Kanya at binuksan Niya para rito ang dibdib nito kaya ito ay gaya ng buhay dahilan sa pag-alaala kay Allāh, pagkataas-taas Niya, at pananatili sa gayon. Iyon ay salungat sa hindi umaalaala kay Allāh, pagkataas-taas Niya, sapagkat ito ay gaya ng patay na walang kairalan sapagkat ito ay buhay sa katawan nito, patay sa puso nito. Ito ay isang paghahalintulad na nararapat sa tao na mapangaralan nito at malaman niyang sa tuwing nalilingat sa pag-alaala kay Allāh, kamahal-mahalan Siya at kapita-pitagan, tunay na tumitigas ang puso niya at marahil mamatay pa ang puso niya - ang pinagpapakupkupan ay kay Allāh. Nagsabi si Allāh (Qur'ān 6:122): "Ang sinumang noon ay patay [sa pananampalataya] pagkatapos ay binuhay Namin siya at nilagyan Namin siya ng isang liwanag na naglalakad siya sa pamamagitan nito sa mga tao ay gaya ba ng sinumang tulad niya na nasa mga kadiliman na hindi nakalalabas mula sa mga ito?"