हदीस: जो व्यक्ति आफ्नो पालनकर्ताको स्मरण गर्छ र जो स्मरण गर्दैन, तिनीहरूको उदाहरण जीवित र मृत व्यक्तिको जस्तै हो।

عَنْ أَبِي مُوسَى رَضِيَ اللَّهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«مَثَلُ الَّذِي يَذْكُرُ رَبَّهُ وَالَّذِي لاَ يَذْكُرُ رَبَّهُ، مَثَلُ الحَيِّ وَالمَيِّتِ»، ولفظ مسلم: «مَثَلُ الْبَيْتِ الَّذِي يُذْكَرُ اللهُ فِيهِ، وَالْبَيْتِ الَّذِي لَا يُذْكَرُ اللهُ فِيهِ، مَثَلُ الْحَيِّ وَالْمَيِّتِ».
[صحيح] - [متفق عليه] - [صحيح البخاري: 6407]

अबू-मूसा (रजियल्लाहु अन्हु)ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"जो व्यक्ति आफ्नो पालनकर्ताको स्मरण गर्छ र जो स्मरण गर्दैन, तिनीहरूको उदाहरण जीवित र मृत व्यक्तिको जस्तै हो।" मुस्लिममा उल्लेख भएको संस्करण: "त्यो घर जसमा अल्लाहलाई याद गरिन्छ र त्यो घर जसमा याद गरिँदैन, तिनीहरूको उदाहरण जीवित र मृत व्यक्तिको जस्तै हो।"
[सही] - [मुत्तफकुन अलैहि] - [सही बुखारी - 6407]

व्याख्या

नबी (सल्लल्लाहु अलैहि वसल्लम)ले अल्लाहको स्मरण गर्ने र नगर्ने व्यक्तिको बीचको भिन्नतालाई स्पष्ट गर्नुभएको छ। उहाँले यसलाई जीवित र मृत व्यक्तिको फरक जस्तो बताउनुभएको छ। अल्लाहलाई स्मरण गर्ने व्यक्ति जीवित व्यक्तिसँग तुलना गरिएका छन्, जसको बाहिरी रूप जीवनको प्रकाशले सुशोभित छ र भित्री रूप ज्ञानको उज्यालोले भरिएको छ, र त्यसमा लाभ हुन्छ। भने, अल्लाहलाई स्मरण नगर्ने व्यक्ति मृत व्यक्तिसँग तुलना गरिएका छन्, जसको बाहिरी रूप बेरंग छ, भित्री रूप शून्य छ, र जसमा कुनै लाभ हुँदैन।
त्यसैगरी, घरलाई पनि जीवित भनिन्छ यदि त्यहाँका बासिन्दाहरू अल्लाहको स्मरण गर्छन्। अन्यथा, यदि बासिन्दाहरू अल्लाहको स्मरणबाट टाढा छन् भने, त्यो घरलाई मृत भनिन्छ। र जब घरलाई जीवित वा मृत भनेर वर्णन गरिन्छ, यसको अर्थ घरका बासिन्दाहरूलाई जनाइएको हुन्छ।