Hadiis: Yamb nao a yiibã ka be sẽn na puk Wẽnd sorã yĩngã tɩ Bugum leb n sɩɩs-b ye

عَنْ أَبِي عَبْسٍ عَبْدُ الرَّحْمَنِ بْنِ جَبْرٍ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَا اغْبَرَّتْ قَدَمَا عَبْدٍ فِي سَبِيلِ اللَّهِ فَتَمَسَّهُ النَّارُ».
[صحيح] - [رواه البخاري] - [صحيح البخاري: 2811]

Yii a Abɩɩ Abs Abd Ar-Rahmaane ɭbn Gabr nengẽ, (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) yeelame:
«Yamb nao a yiibã ka be sẽn na puk Wẽnd sorã yĩngã tɩ Bugum leb n sɩɩs-b ye».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 2811]

bilgrã

Nabiyaamã (Wẽnd pʋʋsg la A tɩlgr be a yĩngɑ) kõta kiba-noodo, tɩ ned ning na-tagdɩ sẽn puki, tɩ yẽnda yaa sẽn zabd Wẽnd sorã yĩnga, tɩ Bugum ka na n leb n sɩɩs na-kãensã ye.

Sẽn be Hɑdiisã yõod-rãmbẽ

1. Yaa sũ-noogr sẽn kõt ned ning sẽn zabd Wẽnd sorã poorẽ t'a na n tɩlgame n yi Bugmã yaoolem raarã.
2. A togsa na-tagdɩ wã baa tɩ mikame tɩ tomã gũbgda yĩngã gilli, bala Gɩhaad zabdbã wakat-kãngã b wʋsgã fãa yaa kẽndba, rẽnd nao wã pukdame sẽn wa n yaa halhaal ning fãa.
3. A ɭbn Hagar yeelame (Wẽnd na yols-a): sã n mik tɩ tomã sɩɩs nao wã haramda Bugmã ne-ba, rẽnd yɩta a wãnã ne ned ning sẽn kẽna la a nidg pãnga la a rɩk a pãngã fãa n kẽes beenẽ!?