Ҳадис: Сафҳоятонро рост кунед, зеро рост кардани саф аз камоли намоз аст

عَنْ أَنَسِ بْنِ مَالِكٍ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«سَوُّوا صُفُوفَكُمْ، فَإِنَّ تَسْوِيَةَ الصَّفِّ مِنْ تَمَامِ الصَّلَاةِ».
[صحيح] - [متفق عليه] - [صحيح مسلم: 433]

Аз Анас ибни Молик (разияллоҳу анҳу) ривоят аст, ки Паёмбар (саллаллоҳу алайҳи ва саллам) фармуданд:
"Сафҳоятонро рост кунед, зеро рост кардани саф аз камоли намоз аст."
[Саҳеҳ] - [متفق عليه] - [Саҳеҳ Муслим - 433]

Шарҳ

Паёмбар (саллаллоҳу алайҳи ва саллам) намозгузоронро амр намуданд, ки сафҳои худро рост кунанд, тавре ки яке пештар ва яке ақибтар набошад. Ва баён намуданд, ки рост кардани сафҳо аз камоли намоз ва каҷ будани саф навъе аз халал ва норасоӣ дар намоз аст.

Аз фоидаҳои ҳадис

1. Машруъияти таваҷуҳ ба ҳар чизе, ки намозро комил ва онро аз камбудӣ дур мекунад.
2. Ҳикмати Паёмбар (саллаллоҳу алайҳи ва саллам) дар таълим додан, ба тавре, ки ҳукмро ҳамроҳ бо сабаби он зикр карданд, то ҳикмат аз ташреъ ошкор шавад ва шунавандагон барои пазириши он ташвиқ шаванд.