Ҳадис: Ҳар ки барои Аллоҳ масҷиде бино кунад, Аллоҳ барои ӯ дар биҳишт монанди он хоҳад сохт

عَنْ ‌مَحْمُودِ بْنِ لَبِيدٍ رضي الله عنه:
أَنَّ ‌عُثْمَانَ بْنَ عَفَّانَ أَرَادَ بِنَاءَ الْمَسْجِدِ فَكَرِهَ النَّاسُ ذَلِكَ، وَأَحَبُّوا أَنْ يَدَعَهُ عَلَى هَيْئَتِهِ، فَقَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: «مَنْ بَنَى مَسْجِدًا لِلهِ بَنَى اللهُ لَهُ فِي الْجَنَّةِ مِثْلَهُ».
[صحيح] - [متفق عليه] - [صحيح مسلم: 533]

Аз Маҳмуд ибни Лабид (разияллоҳу анҳу) ривоят аст, ки гуфт:
Усмон ибни Аффон хост масҷидро бозсозӣ кунад, аммо мардум инро написандиданд ва дӯст доштанд, ки онро ба ҳамон шакле, ки буд боқӣ мегузошт. Пас, эшон фармуданд: Шунидам, ки Расули Аллоҳ (саллаллоҳу алайҳи ва саллам) мефармояд: "Ҳар ки барои Аллоҳ масҷиде бино кунад, Аллоҳ барои ӯ дар биҳишт монанди он хоҳад сохт."
[Саҳеҳ] - [متفق عليه] - [Саҳеҳ Муслим - 533]

Шарҳ

Усмон ибни Аффон (разияллоҳу анҳу) хост, ки масҷиди Паёмбар (саллаллоҳу алайҳи ва саллам)-ро беҳтар аз сохти аввалаш бозсозӣ кунад, аммо мардум ин корро написандиданд. Ба сабаби он ки сохти масҷид аз шеваи сохтанаш дар замони Паёмбар (саллаллоҳу алайҳи ва саллам) тағйир меёфт, масҷид бо хишт сохта шуда буд ва боми он аз барги хурмо буд, аммо Усмон мехост, ки онро бо сангу хишт бисозад. Усмон (разияллоҳу анҳу) дар хитоб ба мардум фармуд, ки аз Паёмбар (саллаллоҳу алайҳи ва саллам) шунидааст, ки мефармояд: Ҳар ки масҷидеро барои талаби розигии Аллоҳ Таъоло, бидуни риё ва худнамоӣ бисозад, Аллоҳ ба ӯ подоши беҳтар аз ҷинси амалаш ато мекунад. Ва он подош он аст, ки Аллоҳ барои ӯ монанди онро дар биҳишт хоҳад сохт.

Аз фоидаҳои ҳадис

1. Ташвиқ ва тарғиб ба бино кардани масҷидҳо ва фазилати он.
2. Тавсеъа ва навсозӣ кардани масҷид дар фазилати сохтани масҷид ворид аст.
3. Аҳамияти ихлос барои Аллоҳ Таъоло дар ҳама корҳо.