Hadith: ជនណាដែលបានសាងសង់ម៉ាស្ជិតមួយដើម្បីអល់ឡោះ អល់ឡោះជាម្ចាស់នឹងសាងសង់ដូចគ្នាវិញសម្រាប់ជននោះនៅក្នុងឋានសួគ៌”។

عَنْ ‌مَحْمُودِ بْنِ لَبِيدٍ رضي الله عنه:
أَنَّ ‌عُثْمَانَ بْنَ عَفَّانَ أَرَادَ بِنَاءَ الْمَسْجِدِ فَكَرِهَ النَّاسُ ذَلِكَ، وَأَحَبُّوا أَنْ يَدَعَهُ عَلَى هَيْئَتِهِ، فَقَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: «مَنْ بَنَى مَسْجِدًا لِلهِ بَنَى اللهُ لَهُ فِي الْجَنَّةِ مِثْلَهُ».
[صحيح] - [متفق عليه] - [صحيح مسلم: 533]

អំពី ម៉ះមូទ ពិន ឡាពីទ رضي الله عنه
ពិតណាស់ អ៊ូស្មាន ពិន អាហ្វហ្វាន មានបំណងចង់សាងសង់ម៉ាស្ជិត តែមនុស្សម្នាមិនពេញចិត្តនោះឡើយ ហើយពួកគេពេញចិត្តចង់ឲ្យរក្សារូបរាងដើមរបស់វាដដែល។ ពេលនោះ គាត់បាននិយាយថា៖ ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖ “ជនណាដែលបានសាងសង់ម៉ាស្ជិតមួយដើម្បីអល់ឡោះ អល់ឡោះជាម្ចាស់នឹងសាងសង់ដូចគ្នាវិញសម្រាប់ជននោះនៅក្នុងឋានសួគ៌”។
[صحيح] - [متفق عليه] - [صحيح مسلم - 533]

Explanation

អ៊ូស្មាន ពិន អាហ្វហ្វាន رضي الله عنه មានបំណងចង់សាងសង់ម៉ាស្ជិតណាពី ﷺ សារជាថ្មីឡើងវិញឲ្យល្អជាងមុន។ ក៏ប៉ុន្តែមនុស្សម្នាមិនពេញចិត្តនោះឡើយ ព្រោះការធ្វើដូច្នេះ គឺជាការកែប្រែម៉ាស្ជិតណាពីខុសពីរូបរាងដើមដែលត្រូវបានសាងសង់ក្នុងសម័យកាលណាពី ﷺ ដែលការសាងសង់ម៉ាស្ជិតនាពេលនោះ គឺសាងសង់ឡើងពីដីឥដ្ឋ ហើយដំបូលប្រក់ធាងល្មើ។ ក៏ប៉ុន្តែ អ៊ូស្មាន មានបំណងចង់សាងសង់ម៉ាស្ជិតនេះឡើងវិញពីដុំថ្ម និងថ្មកំបោរ។ ពេលនោះ អ៊ូស្មាន ពិន អាហ្វហ្វាន رضي الله عنه ក៏បានប្រាប់ពួកគេថា ពិតណាស់ គាត់បានឮណាពី ﷺ លោកបានមានប្រសាសន៍ថា៖ ជនណាដែលបានសាងសង់ម៉ាស្ជិតមួយដើម្បីស្វែងរកការពេញចិត្តពីអល់ឡោះជាម្ចាស់ ពុំមែនចង់បានមុខមាត់ ឬចង់ឲ្យគេដឹងឮទេនោះ អល់ឡោះជាម្ចាស់នឹងតបស្នងដល់ជននោះនូវរង្វាន់ដែលល្អជាងអ្វីដែលរូបគេបានធ្វើទៅទៀត ហើយការតបស្នងនោះ គឺអល់ឡោះនឹងសាងសង់បែបនេះវិញសម្រាប់គេនៅក្នុងឋានសួគ៌។

Benefits from the Hadith

1. ជំរុញឲ្យសាងសង់ម៉ាស្ជិត និងបញ្ជាក់ពីឧត្តមភាពរបស់វា។
2. ការពង្រីកម៉ាស្ជិត និងការធ្វើវាសាថ្មីឡើងវិញ ក៏ចូលក្នុងឧត្តមភាពនៃការសាងសង់ម៉ាស្ជិតដែរ។
3. សារៈសំខាន់នៃភាពជ្រះថ្លាចំពោះអល់ឡោះនូវគ្រប់ទង្វើកុសលទាំងអស់។