हदीस: नमाज पढ्दा सफ (पङ्क्ति) हरू सीधा गर्नुहोस्; किनकि सफ (पङ्क्ति) हरू सिधा गर्नु नमाजको पूर्णताको एक भाग हो ।

عَنْ أَنَسِ بْنِ مَالِكٍ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«سَوُّوا صُفُوفَكُمْ، فَإِنَّ تَسْوِيَةَ الصَّفِّ مِنْ تَمَامِ الصَّلَاةِ».
[صحيح] - [متفق عليه] - [صحيح مسلم: 433]

अनस बिन् मालिक(रजियल्लाहु अन्हु) ले बयान गरेका छन् कि रसूल (सल्लल्लाहु अलैहि वसल्लम) ले भन्नुभएको छ :
"नमाज पढ्दा सफ (पङ्क्ति) हरू सीधा गर्नुहोस्; किनकि सफ (पङ्क्ति) हरू सिधा गर्नु नमाजको पूर्णताको एक भाग हो ।"
[सही] - [मुत्तफकुन अलैहि] - [सही मुस्लिम - 433]

व्याख्या

नबी (सल्लल्लाहु अलैहि वसल्लम) ले मोसल्ली (नमाज पढ्ने) हरूलाई आफ्ना पङ्क्तिहरू सीधा गर्न, र पङ्क्तिमा उभिँदा अगाडि-पछाडि नभई, सीधा र बराबर उभिन आदेश दिनुभएको छ। पङ्क्तिहरू सीधा गर्नु नमाजको पूर्णताको एक हिस्सा हो र (पङ्क्तिको) बाङ्गोपन नमाजमा दोष र कमीको कारण हो।

हदीसका केही फाइदाहरू

1. नमाज लाई पूर्णता दिने र कमीबाट टाढा राख्ने सबै कुराहरूमा ध्यान दिनुपर्छ ।
2. यसमा शिक्षण कार्यमा नबी (सल्लल्लाहु अलैहि वसल्लम) को अद्भुत हिक्मत (प्रज्ञा) को स्पष्ट प्रमाण पाइन्छ, किनभने उहाँले आदेश दिनुका साथै त्यसको कारण पनि स्पष्ट पार्नुभएको छ, ताकि आदेशको तात्त्विक पक्ष बुझिन सकोस् र मानिसमा कार्यान्वयनको भावना उत्पन्न होस्।