Hadiis: Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum

عَنْ أُمِّ حَبِيبَةَ رضي الله عنها زَوْجِ النَّبِيِّ صَلَّى اللَّهُ عَلَيْهِ وَسَلَّمَ قَالت: سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ:
«مَنْ حَافَظَ عَلَى أَرْبَعِ رَكَعَاتٍ قَبْلَ الظُّهْرِ وَأَرْبَعٍ بَعْدَهَا حَرَّمَهُ اللَّهُ عَلَى النَّارِ».
[صحيح] - [رواه أبو داود والترمذي والنسائي وابن ماجه وأحمد] - [سنن الترمذي: 428]

Yii a Ʋmm Habiiba nengẽ (Wẽnd yard be a yĩnga) sẽn yaa Nabiyaamã pagã (Wẽnd pʋʋsg la A tɩlgr be a yĩngɑ), a yeelame: m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) t'a yetẽ:
«Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum».
[Naṣʋn Ṣahɩɩhʋn (Gom-sikdem sẽn manege)] - - [Sunan At-tirmiiziy - 428]

bilgrã

Nabiyaamã (Wẽnd pʋʋsg la A tɩlgr be a yĩngɑ) kõo kibare, tɩ ned ning sẽn pʋʋs rakaar a naase taoor tɩ Zafar na n ka pʋʋse la rakaar a naase Zafarã poorẽ, la a kell n duum ne rẽ, Wẽnd gɩdgda Bugmã a zugu.

Sẽn be Hɑdiisã yõod-rãmbẽ

1. Yaa sẽn bʋ nonglem tɩ b gũus rakaar a naase Pʋʋsgo taoor tɩ Zafar na n ka ta, la rakaar a naase a loogr poorẽ.
2. Naafɩl tũnugds nins -sẽn rengd farilã-, b tara yã-bedre, be a pʋgẽ: yaa sẽn na n seglg pʋʋsdã yõore, taoor t'a na n ka kẽ farilã pʋgẽ, la sã n yaa sẽn pʋʋsd farilã poorẽ wã, yã-bedr sẽn be a pʋgẽ: b yaa yẽdb ne faril-rãmbã kedsgo.
3. Naafl tũnugdsã, b tara yõod wʋsgo, sẽn yaa yel-sõmd paasgo la zũnuub-rãmb yaafgo, la dargε-rãmb zẽkre.
4. Zeng raoog sunnah-rãmb pʋleng wẽng la pʋleng sõng hadiis-rãmbã pʋgẽ sẽn wõnd wala yãwã: b rɩkd-a lame tɩ yaa nedã sẽn na n maan kaalem Wẽn-yembg zugu, la raabã me yaa t'a ka na n duum Bugmã pʋgẽ ye, bala ned ning sẽn wa n tʋg n maan zũnuub tʋʋmde, n be Wẽn-yembgẽ wã, a sõmba ne sɩbgre, la a ka na n duum Bugmã pʋgẽ tɩ b sã n na n wa nams-a.