Hadiis: Tɩ Nabiyaamã (Wẽnd pʋʋsg la A tɩlgr be a yĩngɑ), a yɩɩme n ka basd rakaar a naase, taoor t'a na n ka pʋʋs Zafare, la rakaar a yiibu, taoor t'a na n ka pʋʋs fagiri

عن عائشةَ أُمِّ المُؤْمِنينَ رضي الله عنها:
أن النبي صلى الله عليه وسلم كان لا يَدع أربعا قَبل الظهر وركعتين قبل الغَدَاة.
[صحيح] - [رواه البخاري] - [صحيح البخاري: 1182]

Yii a ʿAɑɩša sẽn yaa muumin-rãmbã ma wã nengẽ (Wẽnd yard be a yĩnga):
Tɩ Nabiyaamã (Wẽnd pʋʋsg la A tɩlgr be a yĩngɑ), a yɩɩme n ka basd rakaar a naase, taoor t'a na n ka pʋʋs Zafare, la rakaar a yiibu, taoor t'a na n ka pʋʋs fagiri.
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 1182]

bilgrã

A ʿAɑɩša (Wẽnd yard be a yĩnga) kõo kibare, tɩ Nabiyaamã (Wẽnd pʋʋsg la A tɩlgr be a yĩngɑ) a ra yɩɩme n duum naafɩl-rãmb Pʋʋsgo, a zakẽ wẽ, a ka basd-b ye: rakaar a naase ne sallem a yiibu, taoor tɩ Zafar na n ka pʋʋse, la rakaar a yiibu taoor tɩ fagir na n ka pʋʋse.

Sẽn be Hɑdiisã yõod-rãmbẽ

1. Wilgdame tɩ b maana nonglem tɩ b gũus rakaar a naas pʋʋsgo, taoor tɩ Zafar na n ka pʋʋs ye, la rakaar a yiibu, taoor tɩ fagir na n ka pʋʋse.
2. Sõma sẽn yɩɩd yaa b pʋʋs Naafɩl-rãmb nins sẽn maand wakat-rãmbã poorẽ wã a zakẽ wã, rẽ n kɩt t'a ʿAɑɩša (Wẽnd yard be a yĩnga) togse.