Hadiis: Yãmb yembr fãa sã n kẽ miisri, bɩ a maan rakaar a yiibu taoor t'a na n ka zĩnd ye

عَنْ ‌أَبِي قَتَادَةَ السَّلَمِيِّ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«إِذَا دَخَلَ أَحَدُكُمُ الْمَسْجِدَ فَلْيَرْكَعْ رَكْعَتَيْنِ قَبْلَ أَنْ يَجْلِسَ».
[صحيح] - [متفق عليه] - [صحيح البخاري: 444]

Yii a Abɩɩ Ƙataada As-salamiyy nengẽ, (Wẽnd yard be a yĩnga) tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame:
«Yãmb yembr fãa sã n kẽ miisri, bɩ a maan rakaar a yiibu taoor t'a na n ka zĩnd ye».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 444]

bilgrã

Nabiyaamã (Wẽnd pʋʋsg la A tɩlgr be a yĩnga) kengame tɩ ned ning sẽn waa miisrẽ, n kẽ miisrẽ wã, sẽn yaa wakat ning fãa, la sẽn leb n yaa tʋlsem ning fãa, bɩ a maan rakaar a yiib taoor t'a na n ka zĩnd ye, bãmbã b yiibã me yaa miisr pʋgẽ kõom rakaar a yiibã.

Sẽn be Hɑdiisã yõod-rãmbẽ

1. Hadiisã wilgdame tɩ b bʋʋ nonglem tɩ b maan rakaar a yiibu, taoor tɩ f na n ka zĩnd ye.
2. Rẽnd sagl-kãngã yaa ned ning sẽn rat n na n zĩndã, la ned ning sẽn kẽ miisrẽ, n lebg n yi taoor t'a na n ka zĩndi, sagl-kãngã ka lagem yẽ soab ye.
3. A sã n kẽ miisrẽ, n mik tɩ nebã bee Pʋʋsg pʋgẽ, t'a kell n lagem nebã n pʋʋse, rẽ kell n sek-a lame n yi rakaar a yiibã maanego.