عن أبي قتادة السَّلَمي أن رسول الله صلى الله عليه وسلم قال: «إذا دخل أحدكم المسجد فليركع ركعتين قبل أن يجلس».
[صحيح] - [متفق عليه]
المزيــد ...

အဗူကသာဒဟ်အတ်စ်စလမီ(ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။ အသင်တို့အနက် တစ်ဦးတစ်ယောက်သည် ဗလီဝတ်ကျောင်းတော်သို့ ဝင်ရောက်သောအခါ မထိုင်မီအလျင် ဆွလာသ်နှစ်ရကအသ်ဆောက်တည်ပါ။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။

ရှင်းလင်းချက်

တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)၏မိန့်ကြားချက်ကို အဗူကသာဒဟ်(ရဿွိယလ္လာဟုအန်ဟု)က ဆင့်ပြန်ခဲ့သည်မှာ "c2">“အသင်တို့အနက် တစ်ဦးတစ်ယောက်သည် ဗလီဝတ်ကျောင်းတော်သို့ ဝင်ရောက်သောအခါ မထိုင်မီအလျင် ဆွလာသ်နှစ်ရကအသ် ဆောက်တည်ပါ။” သို့ဖြစ်၍ ဤဆွလာသ်ကို နှစ်ရကအသ်ထက်လျော့၍ ဆောက်တည်ခွင့်မရှိပေ။ ဤသည် ဗလီဝတ်ကျောင်းတော်အား နှုတ်ခွန်းဆက်ခြင်း(ဝါ) သဟိယ္ယသုလ်မတ်စ်ဂျိဒ်ဆွလာသ်အား မွတ်စ်သဟဗ် အနေဖြင့်ဆောက်တည်ရန် တိုက်တွန်းနှိုးဆော်ထားခြင်းဖြစ်သည်။ ဖရ်ဿွ်ဆွလာသ် ဆောက်တည်လိုက်ခြင်းဖြင့် သဟိယ္ယသုလ်မတ်စ်ဂျိဒ်ဆွလာသ်၏တာဝန်မှာ ကျေသွားမည်ဖြစ်သည်။ အကယ်၍ တစ်ဦးတစ်ယောက်သည် လူတို့ဂျမာအသ်ဖြင့်ဆွလာသ်ဆောက်တည်နေစဉ် ဗလီဝတ်ကျောင်းတော်ထဲသို့ ဝင်လာပါက ၎င်းအနေဖြင့် ဂျမာအသ်ထဲတွင်ပါဝင်၍ ဆွလာသ်ဆောက်တည်လိုက်လျှင် သဟိယ္ယသုလ်မတ်စ်ဂျိဒ်ဆွလာသ်နှစ်ရကအသ်အား ဆောက်တည်ရန်မလိုအပ်တော့ပေ။ အချို့ပညာရှင်များက "c2">“မထိုင်မီအလျင်”ဟူ၍ မိန့်ကြားထားသည့် ကိုယ်တော်မြတ်၏ဩဝါဒကို အထောက်အထားပြု၍ အကယ်၍ လူတစ်ဦးသည် ထိုအမိန့်နှင့်ဆန့်ကျင်ဘက်ပြုကာ ထိုင်လိုက်မည်ဆိုလျှင် ၎င်းအနေဖြင့် ပြန်ရပ်ကာ ဆွလာသ်ဆောက်တည်ရန်မလိုအပ်ဟု ဆိုကြသည်။ သို့သော် အမှန်ကန်ဆုံးအဆိုမှာ ၎င်းဆွလာသ်၏တာဝန်မကျသွားသည့်အပြင် ၎င်းအနေဖြင့် ပြန်ရပ်ကာ ဆွလာသ်ဆောက်တည်ရမည်ဖြစ်သည်။ အဘယ်ကြောင့်ဆိုသော် ဆင့်ပြန်ချက်တစ်ရပ်တွင်လာရှိသည်မှာ "c2">“ပုဂ္ဂိုလ်တစ်ဦးသည် ဗလီဝတ်ကျောင်းတော်ထဲသို့ ဝင်ရောက်လာပြီး ထိုင်လိုက်သည်။ ထိုအခါတမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် ထိုသူ့အား အသင်ဆွလာသ်နှစ်ရကအသ် ဆောက်တည်ခဲ့ပါသလားဟု မေးမြန်းတော်မူခဲ့သည်။ ထိုသူက မဆောက်တည်ခဲ့ပါဟု ဖြေကြားခဲ့ရာ ကိုယ်တော်က အသင်ထ၍ ယင်းဆွလာသ်နှစ်ရကအသ် ဆောက်တည်လိုက်ပါဟု မိန့်ကြားတော်မူသည်။” (မွတ်စ်လင်မ်ကျမ်း) ထို့ကြောင့် တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် မထိုင်မီအလျင် ဆွလာသ်ဆောက်တည်ရန်အမိန့်ပေးတော်မူသကဲ့သို့ မထိုင်မီအလျင် ဆွလာသ်မဆောက်တည်ခဲ့သူကိုလည်း ထ၍ဆွလာသ်ဆောက်တည်ရန် အမိန့်ပေးတော်မူခဲ့သည်။

ဘာသာပြန်: အင်္ဂလိပ် ပြင်သစ် တူရကီ အုရ်ဒူ အင်ဒိုနီးရှား ဘော့စနီးယား ဘင်္ဂလီ တရုတ် ဖါရစီ(ပါရှန်း) ဟင်ဒီ ဗီယက်နမ် ဆင်ဟာလီ ဝီဂါ ကာ့ဒ် ဟောက်ဆာ မလေးရာလမ် ဆွာဟီလီ တမီးလ် ထိုင်း ပါရှ်တို အာသံ အယ်လ်ဘေးနီးယန် السويدية الأمهرية الهولندية الغوجاراتية
ဘာသာပြန်များကို ကြည့်ရှုရန်

ဟဒီးဆ်မှ သိမှတ်ဖွယ်ရာများ

  1. ဗလီထဲသို့ ဝင်ရောက်သူသည် ဆွလာသ်နှစ်ရကအသ် ဆောက်တည်ရမည်ဖြစ်ကြောင်း ရှင်းပြထားသည်။
  2. ဗလီဝတ်ကျောင်းတော်အား နှုတ်ခွန်းဆက်ခြင်း(ဝါ) သဟိယ္ယသုလ်မတ်စ်ဂျိဒ် ဆွလာသ်သည် နှစ်ရကအသ်ဖြစ်ကြောင်း ဖေါ်ပြထားသည်။
  3. ဤအမိန့်သည် ဗလီတွင်ထိုင်ရန် ရည်ရွယ်သူအတွက်သာဖြစ်ပြီး ဗလီသို့ဝင်လာပြီးနောက် မထိုင်ဘဲပြန်ထွက်သွားသူသည် ဤအမိန့်တွင်မပါဝင်ပေ။
  4. ဖရ်ဿွ်ဆွလာသ် ဆောက်တည်လိုက်ခြင်းဖြင့် သဟိယ္ယသုလ်မတ်စ်ဂျိဒ် ဆွလာသ်၏ တာဝန်ကျေသွားမည်ဖြစ်သည်။
ထပ်၍