Hadiis: Yãmb yembr fãa sã n maan sik a Pʋʋsgẽ, n ka mi yẽ sẽn pʋʋsã yaa wãnɑ, tãab bɩ naase, bɩ a yãk sikã tεk n lobe, la a rogl yẽ sẽn tar bas-m-yamã zugu, rẽ poorẽ bɩ a maan suguud a yiibu taoor t'a na n ka ning sallem

عَنْ أَبِي سَعِيدٍ الْخُدْرِيِّ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِذَا شَكَّ أَحَدُكُمْ فِي صَلَاتِهِ، فَلَمْ يَدْرِ كَمْ صَلَّى ثَلَاثًا أَمْ أَرْبَعًا، فَلْيَطْرَحِ الشَّكَّ، وَلْيَبْنِ عَلَى مَا اسْتَيْقَنَ، ثُمَّ يَسْجُدُ سَجْدَتَيْنِ قَبْلَ أَنْ يُسَلِّمَ، فَإِنْ كَانَ صَلَّى خَمْسًا شَفَعْنَ لَهُ صَلَاتَهُ، وَإِنْ كَانَ صَلَّى إِتْمَامًا لِأَرْبَعٍ كَانَتَا تَرْغِيمًا لِلشَّيْطَانِ».
[صحيح] - [رواه مسلم] - [صحيح مسلم: 571]

Yii a Abɩɩ Saʿʿɩɩd Al-ẖʋdriy nengẽ, (Wẽnd yard be a yĩnga), a yeelame, Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame:
«Yãmb yembr fãa sã n maan sik a Pʋʋsgẽ, n ka mi yẽ sẽn pʋʋsã yaa wãnɑ, tãab bɩ naase, bɩ a yãk sikã tεk n lobe, la a rogl yẽ sẽn tar bas-m-yamã zugu, rẽ poorẽ bɩ a maan suguud a yiibu taoor t'a na n ka ning sallem, sã n da mikame t'a Pʋʋsgã yaa a nu, suguud sahwiwã (yĩmbã suguudã) na n sũgsã a Pʋʋsgã n manege, la sã n mikame t'a sẽn pʋʋsã yaa sẽn pid naase, suguud a yiibã yɩta a sʋɩtãan yõ-tẽgre».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 571]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) vẽnegame, tɩ pʋʋsd sã n maan yam yoogo, n ka mi a sẽn pʋʋsã yaa wãnɑ, yaa tãab bɩ yaa naase, bɩ a lobg rakaar ning sẽn paasa n yaa sikã, la a ra geel-a ye, bala yaa tãabã la bas-m-yamã sẽn be wã, rẽnd a pʋʋsda rakaar a naase n paase, rẽ poorẽ bɩ a maan suguud a yiibu, taoor t'a ka ning sallem ye.
Sã n mik t'a sẽn pʋʋsã hakɩɩk rag n yaa naase; woto lebgga nu, yẽ sẽn paas rakaar ningã, la yĩmbã suguudã yẽ sẽn maanã, bãmb ledgda rakaarã, rẽnd kɩtame tɩ sõorã ka tar lugum ye, la sã n mikame tɩ yẽnda sẽn Pʋʋsã n lagem ne rakaarã fãa yaa naase, mikdame t'a maana bũmb ning sẽn be ne-a wã, a ka paase, a ka booge.
La yẽ sẽn maan yĩmbã suguud a yiibã lebgame masa tɩ yaa yaalg tusb ne a sʋɩɩtãana, n lebsda a sʋɩɩtãan t'a yɑɑ yaalgɑ tɩ b zãag-a t'a ka paam a sẽn rat-a ye, bala a sʋɩtãan gẽdga yẽ Pʋʋsgã n rat n na n sãam-a, la Ādem biig Pʋʋsgã pidame, a sẽn wa n sak Wẽnd sagellã sẽn yeel t'a maan suguudã, suguud ning a sʋɩɩtãan sẽn kɩɩs Wẽnd n ka maanɑ, a sẽn wa n tõdg tɩ yẽ ka na n sak Wẽnd n maan a Ādem suguudã.