فەرموودە: ئەگەر یەکێکتان گومانى لە نوێژەکەى هەبوو، نەزانێت چەند ڕکاتی ئەنجامداوە سێ یان چوار؟ با گومانەکەى دووربخاتەوە وبنچینەى نوێژەکەى لەسەر ئەوە دابمەزرێنێت کە لێی دڵنیایە، پاشان با دوو سوجدە ببات پێش ئەوەى سەلام بداتەوە، ئەگەر پێنج ڕکاتی ئەنجامبدا بێت؛ ئەوا نوێژەکەى بە ڕکاتی جووت دەبێت، وئەگەر هەر چوار ڕکاتەکەی ئەنجامدابێت؛ ئەوا ئەمە سەرشۆڕکردنە بۆ شەیتان

عن أبي سعيد الخدري رضي الله عنه عن النبي صلى الله عليه وسلم : «إذا شك أحَدُكم في صلاته، فلم يَدْرِ كم صلى ثلاثا أم أربعا؟ فَلْيَطْرَحِ الشك وَلْيَبْنِ على ما اسْتَيْقَنَ، ثم يسجد سجدتين قبل أن يُسَلِّمَ، فإن كان صلى خمسا شَفَعْنَ له صَلَاته، وإن كان صلى إِتْمَاماً لِأْرْبَعٍ؛ كانتا تَرْغِيمًا للشيطان».
[صحيح] - [رواه مسلم]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی سەعیدی خودریەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «ئەگەر یەکێکتان گومانى لە نوێژەکەى هەبوو، نەزانێت چەند ڕکاتی ئەنجامداوە سێ یان چوار؟ با گومانەکەى دووربخاتەوە وبنچینەى نوێژەکەى لەسەر ئەوە دابمەزرێنێت کە لێی دڵنیایە، پاشان با دوو سوجدە ببات پێش ئەوەى سەلام بداتەوە، ئەگەر پێنج ڕکاتی ئەنجامبدابێت؛ ئەوا نوێژەکەى بە ڕکاتی جووت دەبێت، وئەگەر هەر چوار ڕکاتەکەی ئەنجامدا بێت؛ ئەوا ئەمە سەرشۆڕکردنە بۆ شەیتان».
[صەحیحە] - [موسلیم گێڕاویەتیەوە]

شیکردنەوە

ئەم فەرموودەیە چۆنیەتی مامەڵەکردن لە گەڵ ئەو گومانانەى ناو نوێژکردن ڕووندەکاتەوە کە تووشی مسوڵمان دەبێت، وپێویستە لەسەر یەقین ودڵنیایی دابمەزرێت، وئەگەر گومان هەبوو لە ژمارەی ڕکاتەکان ئەوا یەقین ودڵنیایی پێویستە لەسەر کەمترین ژمارەی ڕکات بێت، وپاشان دوو (سوجدەی سەهو) دەبات پێش ئەوەى سەﻻم بداتەوە، وسەبارەت بە بابەتی (سوجدەی سەهو) ڕوونکردنەوەى زۆر هاتووە. شیکردنەوەى فەرموودەکە: (ئەگەر یەکێکتان گومانى لە نوێژەکەى هەبوو): واتا گومانی هەبوو ودوو دڵ بوو بە بێ ئەوەى لایەنێکیان بە پەسەند دابنێت وبڕیارەکەى لەسەر دابمەزرێنێت. (نەزانێت چەند ڕکاتی ئەنجامداوە سێ یان چوار؟): وئەمیش بۆ نمونە هێنانەوەیە. (با گومانەکەى دووربخاتەوە): ئەوا ئەو ڕکاتەی گومانی لێی هەیە بۆ نمونە لێرەدا ڕکاتی چوارەمە. (وبنچینەى نوێژەکەى لەسەر ئەوە دابمەزرێنێت کە لێی دڵنیایە): واتا بە زانینەوە دڵنیایە لەسەر ئەنجامدانى کە بۆ نمونە لێرەدا سێ ڕکاتە. (پاشان با دوو سوجدە ببات پێش ئەوەى سەلام بداتەوە): ئەمە باشترینە کە پێش سەلامدانەوە -سوجدەی سەهو- ببات. (ئەگەر پێنج ڕکاتی ئەنجامبدا بێت): ئەمیش هۆکاری ئەوەیە بۆچی مسوڵمان فەرمانی پێکراوە کە -سوجدەی سەهو- ببات، ئەگەر لە نوێژەکەدا چوار ڕکاتی ئەنجامدابێت وڕکاتێکی تری بۆ زیاد بکات. (ئەوا نوێژەکەى بە ڕکاتی جووت دەبێت): واتا دوو -سوجدەی سەهو- دەبنە هۆی ئەوەى نوێژەکە بە ڕکاتی جووت کۆتایی پێبهێندرێت، چونکە ئەو دوو -سوجدەی سەهوە- لە شوێنی ڕکاتێکن، وئەو نوێژەی ئەنجامدەدرێت بۆ نمونە نوێژێکی فەرزی چوار ڕکاتیە لە بنچینەدا بە ژمارەی جووتە نەک ژمارەی تاک. (وئەگەر هەر چوار ڕکاتەکەی ئەنجامدابێت): ئەو لێرەدا ئەوەى واجب وپێویست بووە لەسەری ئەنجامیداوە بە بێ زیادکردن وکەمکردن. (ئەوا ئەمە سەرشۆڕکردنە بۆ شەیتان): ئەگەر بەهۆی ئەو ڕکاتەوە -بەهۆی سوجدەی سەهو- ببێتە چوار ڕکات ئەوا ئەمە زەلیلکردن وسەرشۆڕکردنی شەیتانە، وخودا زاناترە.