Hadithi: Atë që i fal rregullisht katër rekate para drekës dhe katër pas saj, Allahu do ta ndalojë atë nga zjarri i Xhehenemit
عَنْ أُمِّ حَبِيبَةَ رضي الله عنها زَوْجِ النَّبِيِّ صَلَّى اللَّهُ عَلَيْهِ وَسَلَّمَ قَالت: سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ:
«مَنْ حَافَظَ عَلَى أَرْبَعِ رَكَعَاتٍ قَبْلَ الظُّهْرِ وَأَرْبَعٍ بَعْدَهَا حَرَّمَهُ اللَّهُ عَلَى النَّارِ».
[صحيح] - [رواه أبو داود والترمذي والنسائي وابن ماجه وأحمد] - [سنن الترمذي: 428]
المزيــد ...
Umu Habibja, gruaja e Profetit ﷺ, transmeton se e ka dëgjuar të Dërguarin e Allahut ﷺ duke thënë:
"Atë që i fal rregullisht katër rekate para drekës dhe katër pas saj, Allahu do ta ndalojë atë nga zjarri i Xhehenemit."
[Ky hadith është sahih] - [رواه أبو داود والترمذي والنسائي وابن ماجه وأحمد] - [Suneni i Tirmidhiut - 428]
Profeti ﷺ në këtë hadith e përgëzoi atë që i fal katër rekate nafile (vullnetare) para namazit të drekës dhe katër rekate nafile pas tij, duke i falur ato në vazhdimësi, Allahu do ta ndalojë atë nga zjarri i Xhehenemit.
Mësime nga hadithi
- Preferohet që rregullisht të falen katër rekate para namazit të drekës dhe katër pas tij.
- Namazet sunet që falen para namazit të detyrueshëm kanë disa dobi: njëra prej tyre është përgatitja e vetes për adhurim para fillimit të namazit të detyrueshëm. Sa i përket atyre që falen pas namazit të detyrueshëm, një prej dobive të tyre është plotësimi i mangësive që mund të ndodhin gjatë namazit të detyrueshëm.
- Namazet e rregullta ditore që janë sunet kanë dobi të mëdha, si: shtimi i veprave të mira, shlyerja e mëkateve dhe ngritja e shkallëve.
- Rregulli bazë i Ehlu Sunetit në lidhje me hadithet e premtimit hyjnor, si ky hadith, është që ato të interpretohen duke iu referuar atyre që vdesin në teuhid (besimit të drejtë, duke mos i shoqëruar Allahut asgjë në adhurim). Kuptimi i synuar është se ata nuk do të mbeten në zjarrin e Xhehenemit përjetësisht, sepse mëkatarët monoteistë e meritojnë ndëshkimin, por nuk do të dënohen përherë në zjarrin e Xhehenemit, nëse ata ndëshkohen.