Hadithi: Unë dhe Profeti (paqja qoftë mbi të!) laheshim në të njëjtën enë, ndërkohë që ishim të dy xhunubë. Kur isha me cikël, ai më urdhëronte të vishesha nga brezi e poshtë dhe mandej ai flinte me mua

عَنْ عَائِشَةَ أُمِّ المُؤمنينَ رضي الله عنها قَالَتْ:
كُنْتُ أَغْتَسِلُ أَنَا وَالنَّبِيُّ صَلَّى اللهُ عَلَيْهِ وَسَلَّمَ مِنْ إِنَاءٍ وَاحِدٍ كِلاَنَا جُنُبٌ، وَكَانَ يَأْمُرُنِي، فَأَتَّزِرُ، فَيُبَاشِرُنِي وَأَنَا حَائِضٌ، وَكَانَ يُخْرِجُ رَأْسَهُ إِلَيَّ وَهُوَ مُعْتَكِفٌ فَأَغْسِلُهُ وَأَنَا حَائِضٌ.
[صحيح] - [متفق عليه] - [صحيح البخاري: 299]

Nga nëna e besimtarëve, Aisheja (Allahu qoftë i kënaqur me të!) përcillet se ka thënë:
"Unë dhe Profeti (paqja qoftë mbi të!) laheshim në të njëjtën enë, ndërkohë që ishim të dy xhunubë. Kur isha me cikël, ai më urdhëronte të vishesha nga brezi e poshtë dhe mandej ai flinte me mua Ai e nxirrte kokën në kohën që ishte në itikaf dhe unë ia laja, ndërkohë që isha me cikël.
[Ky hadith është sahih] - [Muttefek alejhi] - [Sahihu i Buhariut - 299]

Shpjegimi

Nëna e besmitarëve, Aisheja (Allahu qoftë i kënaqur me të!) ka treguar disa momente intime të saj me Profetin e Allahut (paqja qoftë mbi të!), ndër të cilat ishin se ajo dhe Profeti (paqja qoftë mbi të!) laheshin në një enë të vetme kur ishin xhunubë dhe merrnin ujë nga ena të dy bashkë. Dhe se kur Profeti (paqja qoftë mbi të!) donte t'i afrohej asaj në kohën që ajo ishte me cikël, e urdhëronte të mbulonte trupin e saj nga kërthiza gjer te gjunjët dhe i afrohej asaj, por pa kryer marrëdhënie intime. Ai (paqja qoftë mbi të!), gjithashtu, gjatë kohës që ishte në itikaf e nxirrte kokën te dhoma e Aishes dhe ajo ia lante kokën, ndërkohë që ishte me cikël.