Hadithi: “Sikur të mos më dukej e rëndë për besimtarët, - Zuhejri thotë: për umetin tim, - do t'i urdhëroja ta përdorin misvakun për çdo namaz.”

عَنْ أَبِي هُرَيْرَةَ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«لَوْلَا أَنْ أَشُقَّ عَلَى الْمُؤْمِنِينَ -أَوْ: عَلَى أُمَّتِي- لَأَمَرْتُهُمْ بِالسِّوَاكِ عِنْدَ كُلِّ صَلَاةٍ».
[صحيح] - [متفق عليه] - [صحيح مسلم: 252]

Ebu Hurejra (Allahu qoftë i kënaqur me të!) transmeton se Profeti ﷺ ka thënë:
“Sikur të mos më dukej e rëndë për besimtarët, - Zuhejri thotë: për umetin tim, - do t'i urdhëroja ta përdorin misvakun për çdo namaz.”
[Ky hadith është sahih] - [Muttefek alejhi] - [Sahihu i Muslimit - 252]

Shpjegimi

Profeti ﷺ në këtë hadith njoftoi se, po të mos ishte frika e vështirësisë për besimtarët nga umeti i tij, do t'ua kishte bërë obligim përdorimin e misvakut për çdo namaz.

Mësime nga hadithi

1. Butësia e Profetit ﷺ ndaj umetit të tij dhe frika e tij se mos u shkaktohej vështirësi.
2. Parimi bazë sa i përket urdhrit të Profetit ﷺ është se ai është obligativ, përveç nëse ka ndonjë argument që tregon se është vullnetar.
3. Pëlqyeshmëria e përdorimit të misvakut dhe vlera e tij para çdo namazi.
4. Ibn Dekik Idi ka thënë: "Urtësia se përse është e pëlqyeshme të përdoret misvaku kur ngrihesh për namaz, është se namazfalësi është një gjendje afrimi me Allahun, prandaj kërkohet që të jetë një gjendje e përsosur dhe pastërtie, për të shfaqur kështu madhështinë e adhurimit."
5. Kuptimi i përgjithshëm i hadithit përfshin përdorimin e misvakut për agjëruesin, edhe pas mesditës, si në namazet e drekës dhe ikindisë.