Hadithi: “Atij që merr abdes mirë dhe shkon në xhuma, pastaj dëgjon (hutben) me vëmendje dhe hesht, do t'i falen mëkatet mes kësaj dhe xhumasë së kaluar, madje edhe tri ditë shtesë

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ تَوَضَّأَ فَأَحْسَنَ الْوُضُوءَ ثُمَّ أَتَى الْجُمُعَةَ فَاسْتَمَعَ وَأَنْصَتَ غُفِرَ لَهُ مَا بَيْنَهُ وَبَيْنَ الْجُمُعَةِ وَزِيَادَةُ ثَلَاثَةِ أَيَّامٍ، وَمَنْ مَسَّ الْحَصَى فَقَدْ لَغَا».
[صحيح] - [رواه مسلم] - [صحيح مسلم: 857]

Ebu Hurejra (Allahu qoftë i kënaqur me të!) transmeton se i Dërguari i Allahut (paqja qoftë mbi të!) ka thënë:
“Atij që merr abdes mirë dhe shkon në xhuma, pastaj dëgjon (hutben) me vëmendje dhe hesht, do t'i falen mëkatet mes kësaj dhe xhumasë së kaluar, madje edhe tri ditë shtesë. Ndërkaq, ai që luan me guralecë, tashmë e ka humbur shpërblimin.”
[Ky hadith është sahih] - [E shënon Muslimi] - [Sahihu i Muslimit - 857]

Shpjegimi

Profeti ﷺ na tregon në këtë hadith se ai që merr abdes mirë duke i plotësuar shtyllat e tij dhe duke ndjekur sunetet dhe rregullat e tij, pastaj shkon për ta falur namazin e xhumasë e hesht dhe e dëgjon ligjëruesin; nuk flet biseda boshe, Allahu do t'ia falë mëkatet e vogla për dhjetë ditë, nga namazi i xhumasë deri në xhumanë e dytë dhe tri ditë shtesë, sepse vepra e mirë dhjetëfishohet. Pastaj Profeti ﷺ tërhoqi vërejtjen që zemra të mos largohet nga këshillat që thuhen gjatë hutbes (ligjëratës së të premtes), duke luajtur me gjymtyrët e veta; duke i prekur guralecët dhe lloje të tjera të lojërave dhe angazhimit (me telefon etj). Ai që vepron kështu, e ka humbur shpërblimin, e ai që e ka humbur shpërblimin, nuk ka hise në shpërblimin e namazit të plotë të xhumasë.

Mësime nga hadithi

1. Inkurajimi për marrjen e abdesit në mënyrë të përsosur dhe kujdesin për faljen e namazit të xhumasë.
2. Vlera e namazit të xhumasë.
3. Është obligim të heshtet gjatë hutbes së xhumasë dhe të mos preokupohemi e të mos angazhohemi me biseda a diça tjetër në llogari të saj.
4. Nëse dikush flet gjatë hutbes, e humb shpërblimin, ndërsa namazin e xhumasë e ka të vlefshëm dhe e ka hequr përgjegjësinë duke e kryer obligimin, megjithëse shpërblimin e ka të mangët.