Hadithi: Uzisukura neza (Udhu) ye yarangiza akajya mu iswalat ya Idjuma, agatega amatwi akumviriza, azababarirwa ibyaha bye yakoze hagati y'iyo djuma n'iyayibanjirije ndetse no kongeraho iminsi itatu

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ تَوَضَّأَ فَأَحْسَنَ الْوُضُوءَ ثُمَّ أَتَى الْجُمُعَةَ فَاسْتَمَعَ وَأَنْصَتَ غُفِرَ لَهُ مَا بَيْنَهُ وَبَيْنَ الْجُمُعَةِ وَزِيَادَةُ ثَلَاثَةِ أَيَّامٍ، وَمَنْ مَسَّ الْحَصَى فَقَدْ لَغَا».
[صحيح] - [رواه مسلم] - [صحيح مسلم: 857]

Hadith yaturutse kwa Abu Hurayrat (Imana imwishimire) yaravuze ati: Intumwa y'Imana (Imana iyihe amahoro n'imigisha) yaravuze iti:
"Uzisukura neza (Udhu) ye yarangiza akajya mu iswalat ya Idjuma, agatega amatwi akumviriza, azababarirwa ibyaha bye yakoze hagati y'iyo djuma n'iyayibanjirije ndetse no kongeraho iminsi itatu, n'uzatoragura ibuye azaba akinnye (mu idjuma)."
[Hadithi y'impamo] - [Yakiriwe na Muslim] - [Swahih Muslim - 857]

Ibisobanuro birambuye.

Intumwa y'Imana (Imana iyihe amahoro n'imigisha) iratugaragariza ko umuntu uzisukura neza (Udhu) yubahiriza amategeko yabyo n'inkingi zabyo, n'ibitari itegeko muri byo, yarangiza akajya gusali Idjuma, agatega amatwi agaceceka akumviriza inyigisho, akirinda amagambo ayo ari yo yose, Allah azamubabarira ibyaha bito iminsi icumi, hagati y'idjuma n'indi ndetse hiyongereyeho n'indi minsi itatu, kubera ko icyiza gihemberwa ibindi nkabyo icumi. Intumwa y'Imana (Imana iyihe amahoro n'imigisha) irangije yihanangiriza umuntu umutima we warangara ntiwite ku nyigisho ziri gutangwa, cyangwa se ingingo ze zikaba zahugira mu bindi nko gukina n'utubuye n'ibindi, ko uzakora ibyo azaba akinnye, kandi ukinnye nta mugabane abona mu bihembo byo gusali idjuma.

Zimwe mu nyungu dukura muri Hadithi.

1. Gushishikariza kwisukura neza kandi mu buryo bwuzuye, no kwitwararika gusali iswalat y'idjuma.
2. Agaciro n'ibyiza by'Iswalat yo ku wa gatanu.
3. Ni itegeko guceceka no gutega amatwi inyigisho za Idjuma, no kutarangarira ibindi nk'ibiganiro bindi n'ibindi.
4. Ukinnye mu gihe cy'inyigisho zo kuwa gatanu (mu Idjuma), icyo gihe ibihembo byo gusali iyo swalat ntibiba byuzuye.