Hadithi: Nëse në ditën e premte, teksa imami është duke ligjëruar, i thua shokut tënd "hesht!", tashmë e ke humbur shpërblimin
عن أبي هُريرة رضي الله عنه مرفوعًا: «إذا قلتَ لصاحبك: أَنْصِتْ يوم الجمعة والإمام يَخْطُبُ، فقد لَغَوْتَ».
[صحيح] - [متفق عليه]
المزيــد ...
Ebu Hurejra (Allahu qoftë i kënaqur me të!) transmeton se Profeti ﷺ ka thënë: “Nëse në ditën e premte, teksa imami është duke ligjëruar, i thua shokut tënd "hesht!", veçse e ke humbur shpërblimin.
Ky hadith është sahih. - Muttefek alejhi.
Prej simboleve më të mëdha të ditës së premte janë dy hytbet. Prej qëllimeve të tyre është këshillimi dhe orientimi i njerëzve. Prej normave obligative të dëgjuesit janë: të heshtë e ta dëgjojë përgjatë dy hytbeve ligjëruesin, për t'i medituar këshillat. Mu për këtë Profeti ﷺ tërhoqi vërejtjen nga e folura, edhe nëse është me gjënë më të vogël, bie fjala, ta ndalojë së foluri shokun e tij duke i thënë: "Hesht!" Andaj, ai që flet teksa imami ligjëron, e ka të ndaluar mirësinë e së premtes (xhumasë), sepse i tilli veproi diçka që e shpërqendron atë dhe të tjerët nga dëgjimi i hytbes.
Mësime nga hadithi
- Është obligim të dëgjohet ligjëruesi ditën e premte dhe dijetarët janë të pajtimit se një gjë e tillë është obligim.
- Ndalohet të folurit gjatë dëgjimit të hytbes, sepse është në kundërshtim me këtë pozitë, qoftë duke e ndaluar të keqen, qoftë duke e kthyer selamin, qoftë duke i thënë atij që teshtin: "Allahu të mëshiroftë!" dhe çdo gjë që ka të bëjë duke iu drejtuar të tjerëve (me fjalë).
- Nga kjo gjë bën përjashtim ai që i drejtohet imamit ose imami i drejtohet atij.
- Disa dijetarë e kanë përjashtuar atë që nuk e dëgjon ligjëruesin për shkak të largësisë, se nuk duhet të heshtë, por angazhohet me lexim (Kurani) ose dhikër (përmendje të Allahut). E, sa i përket atij që është i shurdhër, nuk duhet t'i shpërqendrojë ata që janë përreth tij, duke lexuar me zë, por lexon në vete, pa zë.
- Ndëshkimi për atë që flet është se privohet nga mirësia e së premtes (xhumasë).
- Lejohet të flitet ndërmjet dy hytbeve.
- Kur të përmendet Profeti ﷺ teksa ligjëron imami, t'i dërgojë salavate dhe selame mbi të në heshtje, e me këtë veprim ti ke vepruar sipas haditheve. Njëjtë vepron edhe duke thënë "amin", kur imami bën lutje.