عن أبي هُريرة رضي الله عنه مرفوعًا: «إذا قلتَ لصاحبك: أَنْصِتْ يوم الجمعة والإمام يَخْطُبُ، فقد لَغَوْتَ».
[صحيح] - [متفق عليه]
المزيــد ...
အဗူဟုရိုင်ရဟ်(ရဿွိယလ္လာဟုအန်ဟု)က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ထံမှ ဆင့်ပြန်ခဲ့သည်။ သောကြာနေ့ အိမာမ် ခုသ်ဗဟ် မိန့်ခွန်းပြောနေစဉ် သင့်နံဘေးတွင် ရှိသောသူကို ဆိတ်ဆိတ်နေပါဟု အသင်ပြောဆိုလျှင် အမှန်တကယ် အသင်သည် အချည်းနှီးအပြုအမူတစ်ခုကို ပြုလုပ်လိုက်ခြင်းဖြစ်သည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။
ခွသ်ဗဟ်နှစ်ခုလုံးသည် ဂျုမုအဟ်၏ အကြီးမားဆုံးသော အထိမ်းအမှတ်များအနက်မှ ဖြစ်သည်။ ၎င်း၏ ရည်ရွယ်ချက်များအနက်မှ တစ်ချက်မှာ လူတို့အားတရားဟောကြားခြင်း၊ ကောင်းရာညွှန်ကြားပြသခြင်း ဖြစ်သည်။ တရားနားထောင်သူလိုက်နာရမည့် စည်းကမ်းများထဲတွင် တရားစကားများကို စဥ်းစားဆင်ခြင်နိုင်ရန်အတွက် တရားဟောကြားသူ၏ ခွသ်ဗဟ်နှစ်ခုလုံးကို တိတ်ဆိတ်စွာနားထောင်ရမည်။ ထို့ကြောင့် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က အနည်းအကျဉ်းစကားမျိုးဖြစ်သည့် မိမိနံဘေးတွင်ရှိသူကို တားမြစ်သော "c2">“ဆိတ်ဆိတ်နေပါ” ဟူသည့်စကားမျိုးကိုပင် ပြောဆိုခြင်းမှ သတိပေးတားမြစ်ခဲ့သည်။ အကြင်သူသည် အိမာမ်က ခွသ်ဗဟ်တရားဟောကြားနေစဥ် စကားပြောသော် ထိုသူသည် အချည်းနှီး ပြုမှုခြင်းဖြစ်ပြီး ဂျုမုအဟ်၏ ထွတ်မြတ်မှုမှ လက်မဲ့ဖြစ်သွားသည်။ အဘယ်ကြောင့်ဆိုသော် ၎င်းသည် မိမိကိုယ်တိုင်နှင့် အခြားသူအား ခွသ်ဗဟ်နားထောင်ခြင်းကို အနှောက်ယှက်ဖြစ်စေမည့် လုပ်ရပ်မျိုး ပြုလုပ်သည့်အတွက် ဖြစ်သည်။