သောကြာနေ့ အိမာမ် ခွသ်ဗဟ် မိန့်ခွန်းပြောနေစဉ် သင့်နံဘေးတွင် ရှိသောသူကို ဆိတ်ဆိတ်နေပါဟု အသင်ပြောဆိုလျှင် အမှန်တကယ် အသင်သည် အချည်းနှီးကိစ္စတစ်ခုကို ပြုလုပ်လိုက်ခြင်းဖြစ်သည်။ “မည်သူမဆို ဂျုမုအဟ်နေ့၌ ကိုယ်မသန့်ဖြစ်သည့်အခါရေချိုးသည့်အတိုင်း ရေချိုးပြီး ဆွလာသ်ဆောက်တည်ရန် ထွက်သွားပါက သူသည် ကုလားအုတ်တစ်ကောင်လှူသည့် အကျိုးကုသိုလ်ရရှိမည်ဖြစ်သည်။ သင်တို့အနက်မှ မည်သူမဆို ဂျုမုအဟ် ဆွလာသ်ဝတ်ပြုရန် လာရောက်လျှင် သူသည် ရေချိုးရမည်။ အကြင်သူသည် ဝုဿူကို ကောင်းမွန်စွာပြုလုပ်၍ဂျုမုအဟ်ဆွလာသ်ဝတ်ပြုရန်လာပြီး ခွသ်ဗဟ်ကိုဂရုစိုက်၍ငြိမ်သက်စွာနားထောင်ပါက သူနှင့် ရှေ့လာမည့်(ဆယ်ရက် ဆိုလိုသည်မှာ ဤဂျုမုအဟ်နှင့် နောက်လာမည့်) ဂျုမုအဟ်အပြင် အပိုသုံးရက်(စုစုပေါင်းဆယ်ရက်)အတွင်းရှိအကုသိုလ်များခွင့်လွှတ်ပေးခြင်းခံရ‌မည်။ အရွယ်ရောက်ပြီးသော ယောက်ျားလေးတိုင်းသည် သောကြာနေ့တွင် ရေချိုးရန်၊ သွားတိုက်ရန်၊ ရေမွှေးရှိလျှင် ရေမွှေးသုံးရန် တာဝန်ရှိသည်။ “အချို့သော အုပ်စုများသည် ဂျုမုအဟ်ဆွလာသ်များကို စွန့်ခွာခြင်းမှ ဧကန်မလွဲ ရှောင်ကြဉ်ကြလိမ့်မည်။ သို့မဟုတ်ပါက အလ္လာဟ်အရှင်မြတ်သည် သူတို့၏ နှလုံးသားများကို ဧကန်မလွဲ တံဆိပ်ခတ်တော်မူမည်။ ထို့နောက် သူတို့သည် ဧကန်မလွဲ သတိမေ့နေသူများထဲတွင် ပါဝင်သွားကြလိမ့်မည်။ “မည်သူမဆို ပေါ့ဆမှု(လျစ်လျူရှုမှု) ကြောင့် ဂျုမုအဟ် (ဆွလာသ်) သုံးကြိမ်ကို စွန့်လွှတ်ခဲ့လျှင် အလ္လာဟ်အရှင်မြတ်သည် သူ၏ နှလုံးသားပေါ်တွင် တံဆိပ်ခတ်နှိပ်တော်မူလိုက်သည်။”